Belgisch museum voor de Nederduitsche tael- en letterkunde en de geschiedenis des vaderlands. Deel 6
(1842)–J.F. Willems, [tijdschrift] Belgisch Museum–
Auteursrechtvrij
[pagina 179]
| |
Een zegbrief of arbitragie van den abt van Drongen, van het jaer 1360.Kenlic zy allen den ghenen, die nu sijn ende hier naer wesen zullen, dat van den blaemten ende scoffieringhen, die Jacop Ghiselins dede minen heere den abt ende den convente van Dronghine, als van den mesgripe, dat hy mesgreep ende twiste up pietren den onderportier, binnen der abtdyen van Dronghine, daer af dat mijn heere dabt de kennesse wel themwaerts heeft, so hebben Olivier de Meemere ende Robberecht Kerspijn, de baerdmakereGa naar voetnoot1, als borghen over Jacoppe vorseit, die blaemte ende scofferingen ghelooft te beterne, ten seggheneGa naar voetnoot2 van minen heere den abt van Dronghine ende van den ghenen, die hy der toe nemen sal, upGa naar voetnoot3 eene wetteleke scult van hondert ponden parisis, tsegghen van minen heere den abt wel te houdene, ende die wetteleke scult te gane up dat soe verbuert worde, na costume ende usage van der stede van Ghend, nochtan soude tsecghen van minen heere den abt bliven goet ende ghestade; ende dit hebben de vorseide borghen ende elc over al ghelooft ende verzekert up hemlieden ende up al hare goed, so waer dat ment sal moghen bevinden binnen Ghend, ofte der buten. Hier over waren | |
[pagina 180]
| |
gheroepen in Orconscepen, als ervachteghe liede in Ghend, Justaes van Abbinsworde ende hughe De Buc. Dit was ghedaen int jaer ons Heeren als men screef MCCC ende zestich, up den tiensten dach van Aprille.
Dit es tsegghen dat dabt van Dronghine gheseit hevet up Jacoppe Ghiselijns, alse over tmesgrijp ende scoufieringhe die Jacop dede den abt ende den convente van Dronghine, dat hi haren onderpoertier quetste ende wonde, binnen der abdien, van welken wonden hi doet es, ende oec omme dat hi twee doren, die ghesloten waren, up brac, binnen der abdien, omme desen vorseiden onderpoertier ter doet te bringhene, alsoe hi ter waerheden dede, mits welken feite hi groetelike de abdie van Dronghine ontvriedeGa naar voetnoot1. In deerste zeghet dabt van Dronghine, dat dese vorseide Jacop Ghiselijns zal gaen te Dronghine voer de processie, bloets hoeves ende in zine linnijn cleedere, bloet ende baervoet, drie waerven, dats te wetene, up tsondaghes voer Ascensioens dach, in Ascensioens daghe ende tsondaghes naest volghende, ende de vorseide Jacop zal draghen eene roede in zine hande, ende ter statien van der processien zal hi nemen eene discipline van den prioer van Dronghine, ende daer zal de vorseide Jacop segghen met ludere stemmen, dat hi dat doet ter eeren van den abdt ende van den convente, over tmesgrijp dat hi ieghen hem mesgrepen hevet. Voert soe segghet dabt vorseit dat dese vorseide Jacop nemmer meer comen mach binnen der abdien van Dronghine, naer dien tiden, dat hi zine derde processie gheghaen zal hebben. | |
[pagina 181]
| |
Voert zeghet dabt vorseit, dat dese vorseide Jacop zal doen zine peelgherimage te zente Pieters ende te zente Pauwelz ten hoeghen Roeme, ende purrenGa naar voetnoot1 binnen drien weken, naer dats hem dabt van Dronghine vermaent zal hebben; ende waert dat de vorseide Jacop int ocusoenGa naar voetnoot2 van desen zegghene yemene van den convente, ofte van den mesniedenGa naar voetnoot3 van Dronghine, meszeide ofte mesdade, in woerde ofte in ghewerken, ofte binnen der abdien kwame, ende ment betoeghen mochte met tween onghelachterden lieden, voer scepenen van Ghent, dat ware up de voerseide scult verbuert te zine, ende up zoendinc brakeGa naar voetnoot4. Dits gheseit up te peyne van C. lib. parisis, ende hets borghe over hem Olivier de Meemmere ende Robbrecht Kerspijn, ende elc over al. Actum den xxiijsten dach in Aprille.
Medegedeeld door den heer Van Duyse, stadsarchivist te Gent, volgens den oorspronkelyken brief, ter archiven van die stad. |