Verlof om van den steen gesneden te worden.
Up tvertooch ende verzouck ghedaen an mijn heeren de hoocnbailliu ende scepenen vander kuere deser stede van Ghend by joncvrauwe Xrofeline (Christoffeline) van Miggrode, huusvrauwe van joncheere Jan de Grutere, heere van Vaerewijck, gheassisteert met meester Jan de Grutere, filius Joos, als vriendt ende maegh, ende ter neernste bede ende begheerte vanden voornoemden joncheere Jan, zo zy te desen verclaersden, omme t'hebbene consent vanden zelven joncheere Jan te moghen doen snijdene vanden steene, ghemerct de groote onverdrachelicke passie ende pijne die by danof lijdende was, ende langhen tijt gheleden hadde, tsijnen grooten verdriete, zulcx dat hem den uutersten noodt bedwanck hem int voorseyde dangier van snijdene te abandonnerene, volghende den advijse van zekere gheleerde doctueren in medecijnen van Lovene, ende andere; daermede hy hem up tselve stuck beraden hadde, blijckende byden schriftelicken advijse ende resolutie vanden zelven medecijnen, onder huerlieder handtecken, te desen ghesien, ende ter welcker causen de voornoemde joncheere Jan in maerte achtenveertich ghelijc verzouck an scepenen de voorzaten ghedaen hadde, dwelcke hem by den zelven scepenen aldoe gheaccordeert was, behoudent dat hy hem alvooren wel beraden zoude met zijnen maghen ende vrienden, ende met gheleerde ende experte medecijnen ende chiruginen, al conforme der noticie danof
Auteursrechtvrij