t'Vermaeck der jeught

Boere-Clacht.

Op de voys: Si cest pour mon pucellage.

NU wel op mijn boersche fluyten
Laet ons met een soet gheluyt
Locken mijne Nymphe uyt:
Op dat zy mach comen buyten,
En aenhooren t’swaer gheclach,
Dat ick doe nacht ende dach.

Ay mijn Nymphe wilt niet vluchten

Inde duyster Bosschen dicht:
Maer comt op de Velden licht,
Hoort u droeven minnaer suchten,
Die u Nymphe soo besint,
Dat hy niet als u bemint.

Waerom soeckt ghy toch te vlieden

Voor die u niet en misdoet,
Maer bemint wt liefde soet,
V sal toch gheen leedt gheschieden
Van die (Nymph’) us soo besint

[p. 61]

 

Dat hy niet als u bemint.

 

 

 

Ghy placht immers wel vrymoedich

 

Voor de deure van mijn Hol

 

Te rusten int grasjen bol:

 

Waerom vlucht ghy nu soo spoedich

 

Voor die (Nymph’) u soo besint?

 

Dat hy niet als u bemint.

 

 

 

Of wilt ghy u minne sparen

 

(Die nu bloeyt ghelijck een blom)

 

Totten traghen ouderdom:

 

O neen, wilt u liever paren

 

By die (Nymph’) u soo besint?

 

Dat hy niet als u bemint.

 

 

 

Sal u Mededogent herte

 

(Dat met goetheydt is versiert)

 

Door wreedheyt onghemaniert,

 

Hem nu heel laten in smerte,

 

Die u (Nymphe) soo besint?

 

Dat hy niet als u bemint.

 

 

 

Siet hoe’t helder oogh der Sonnen,

 

En de nacht verlichtsche Maen

 

Met my dickwils treurich staen:

 

Och! waert ghy so oock verwonnen

 

Van die (Nymph’) u soo besint?

 

Dat hy niet als u bemint.

 

 

 

Oft men my al Caesers Croone

 

Voor mijn herders pijpken gaf,

 

En zijn Schepter voor mijn staf,

 

k’Had veel liever u te loone,

 

V, diet hert soo heeft besint,

 

Dattet niet als u bemint.

 

 

 

Noch de meeste melodye,

 

Noch de alder meeste vreucht,

 

(Die hier s’menschen hert verheucht)

 

Sal mijn hert conen verblye,

 

Voo dat ick (ay Nymphe soet)

 

Heb beweecht u straf ghemoet.

Verkiest het Beste.