Corte onderrichtinghe vanden fatsoene ende forme, van tonnen, baeckens, capen, etc. so de selue inde particuliere caerte vande Vliestroomen, Eemsen weeser d'Elf t'meersdiep ende de Mase aengheteeckent zijn.
OP alle de stroomen van Hollandt, Vrieslandt ende Zeelandt, sijn de tonnen aent opperste rondt en
de breedt, ende afgaende aent neerste eynde smal ende scherp als hier aengeteeckent staat,
sijn swert ghepect ofte gheteert, legghen al meest opde rechter handt int uytzeylen aende slincker int innecomen, en
de aen
de ander zijde
n opte sanden ofte plaetsen staen ghemeenlijck de Baeckens met koruen bouen op in deser manieren
op datmense te verder sien mach. En
de waermen eenighe houcken ofte sanden soude moghen onderzeylen sijn, (om d
at te verhoeden) witte tonnen geleydt van desen fatsoene
ende legghen altijt op de contrarie zijde vande voors
creven swerte tonnen. Aengaende de mercken waer by men dese tonnen ende baecken sekerlijcke kan vinden is inde verclaringe va
nde voorghenoemde Chaerte ghenoechsaem uytghedruct. Dan men moet verstaen dat wy dese Tonne
n ende Baecken alhier so aengheteeckent hebben als de selue int voorleden Jaer van 82. gheleyt en
de ghestelt sijn gheweest. Ende dat de diepten ende stroomen Jaerlijcx seere verloopen ende veranderen, ouermindts d'onghestadighe sandtgronden, ende dat de gaten beneffens der Zee seer wijt ende breet werden, waer dore dese stromen al Lootsmans water sijn, daermen hem versien moet van goede Piloten. De Capen op de Landen beneffens d'incomen der Riuieren, hebben wy omme de cleynheyts des plaetsen gheteeckent aldus.
Ende daer goede Rede ende Ancker grondt is.
T' cijfer ghetal ghestelt ontre
nt alle hauenen, Riuieren, Stroomen, Canalen, binnen en
de buyten inde Zee, oock op de ondiepten ende sanden, beteeckent hoe vele vademen dese plaetsen diep sijn, tzy dan 1. 2. 3. 10. 12. etc. totten meesten ghetale toe zomen dat bevindt staende alles met half vloedt. De Cruyskens in deser manieren † gheteeckent langs vele Custen beneffens de Eylanden ende anders, beduyden blinde Clippen onder d'water legghende diemen schouwen moet, ende waer de Cruycen verdubbelt zijn, sijn groote Clippen ende Rudtsen mede onder d'water legghende.
Auteursrechtelijk beschermd
