Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen

[p. 1]

Brvylofts bancket.

[p. 2]

Sonnet

Dijn sanghs ghedicht (O VLACK) gestelt in't vroet
My wond'ren doet,, om dat ghy zoo al even
Nieu Fransche maet ghestelt hebt en gheschreven
Oock uwen sin wel recht op voysen soet

Ghy leert de jeught,, met vreught,, de deught,, zeer goet,
De Ionckheydt moet, Poëten lof u gheven
Om dat ghy hebt, tot voordeel hun gheschreven
En me ghedeylt, uyt Castalides vloet.

Soo yemandt wilt lichtvaerdigh dese singhen
Of int ghelagh, der dronckaerts spotwijs bringhen
Verdient den loon, als Midas langh gheoort,

Doch t'onverstant, en can gheen tyt gherusten
Daer zynder veel, die t' schryven souden lusten,
Maer Phoebi volck, te noo 't misbruijcken hoort.

Elck kan falen.