Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
Auteursrechtvrij
[pagina 45]
| |
op de voys, ghelijck het selfs begint,En diese niet en weet, magh sien dat hyse vint. Vryer.
Desen Beker die ick houde
Jonkvrou wilt die wachten,, wel
Vryster.
Dat ick sulcks niet doen en woude
Sout ghy my verachten snel?
Vry.
Neen ick Lief tot gheenen tijt,
Vryst.
Ghy toont Jonghman wat ghy zijt
vry.
V dienaer?
vryst.
Neen voorwaer
vry.
Moght het wesen,
vryst.
't Sou u selver vallen swaer.
vry.
Saeght ghy lief mijn treurigh herte
Hoe't om u in pyne,, is.
vryst.
Rustigh Jonghman hebdy smerte
soeckt u Medecyne,, fris,
vry.
Lief ghy kont dit doen naest God,
vryst.
Jonghman drijft met my gheen spot
vry.
't Waer my leet
vryst.
Doet gheen eet,
| |
[pagina 46]
| |
vry.
Sulcks en denck niet
vryst.
Jonghmans hebbent wel ghereet.
vry.
Oftse alle spotters waren
Jck en volgh hun paden,, niet
vryst.
Die veel spot eer langhe jaren
Spotmen met zijn daden,, siet.
vry.
Dat's den loon van hun verstant
vryst.
Wacht u oock van sulcken schant,
vry.
Jck bent' vroet
vryst.
Dat is goet
vry.
Jck salt myden
vryst.
Gheckt met niemant wat ghy doet.
Prince.
vry.
Schoon Princes wilt accepteren
Dat ick u hier brenghe vry
vryst.
Prins ick sal na u begheren
Sulcks ick wel ghehenghe,, bly
vry.
Lief ick heb u voor ghegaen
vryst.
V sal zijn bescheyt ghedaen
vry.
Neemt in danck
vryst.
Ja den dranck
vry.
Met een soentgien,
vryst.
Neen voorwaer dat is bedwanck
Elck kan falen. |
|