Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
AuteursrechtvrijSoet Robbertgien is dese wijs,
| |
[pagina 44]
| |
Melancoly,, ick sta in u ghebiet
Want by,, een wy,, niet comen vry
Door jaloesy,, en qua envy
Pluijmstrijckery,, dit garen haspelt siet.
Zy is,, ghewis
Die my nu dit claghen doet
Jck gis,, 'twaer mis
Soo ick eens met droeven moet
By haer,, zeer naer,, moght komen maer,
De nyders daer,, my quellen swaer
Dat ic 'tis waer,, moet ruymen metter spoet
Eenpaer,, 't is claer,, mijn liefste caer,
Die mint een aer,, int openbaer
Door druck en vaer,, verandert al mijn bloet.
Oft ick,, dien strick
Wou ontknoopen met mijn cracht
Een swick,, in't stick
Sout maer wesen cleyn gheacht
Den noot,, is groot,, van Venus stoot
Jn haren schoot,, was vreught minjoot
Nu keert zy 'thoot,, die my heeft toe ghelacht
Den doodt,, zeer snoot,, verwacht ick bloot,
Mijn bloet bleeck root,, is swaer als loot
Der minnen cloot,, verdraeyt my dagh en nacht.
Helas,, t'onpas
Soo comt my dit lyden suer,
Jck was,, eens ras
Onghevanghen van natuer,
Nu gaen,, ick plaen,, in Venus baen,
Dit heeft ghedaen,, mijn stout bestaen
Dat ick haer aen,, dorst sien die schoon figuer,
Ick waen,, zeer saen,, Cupidos vaen
Doet meen'ghen traen,, mijn ooghen slaen
Druckigh vermaen,, my brenght in groot getruer
Princes expres
Ras verlost my van dees pijn
Metres,, voochdes
Schenckt my doch niet meer fenijn,
Bekent,, present,, dat ghy gheprent
Jnt hert staet jent,, zeer pertinent
Jck waer content,, moght ick eens by u zijn,
Jnt ent, doch sent, troost excellent,
Jck word ghement,, van Venus bent
Daer toe gewent,, door u (mijn liefs) aenschijn.
|
|