Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
Auteursrechtvrijop de voys: Alemande lonnette.Vrijer.
O Venus hoogh ghepresen
Hoe langhe salt noch zijn
Dat ick sal moeten wesen
Door liefde in dees' pijn,
Mijn liefkens schoon aenschijn
Dat corrompeert mijn sinnen
| |
[pagina 29]
| |
 Cupido doet my minnen
V schoonste bloeme fijn.
Vrijster.
Het schijnt ghy zijt beladen
Met druck en swaer verdriet
Al door Cupidos daden
Die u doet minnen siet
En acht vrou Venus niet
Maer wilt u selven keeren
En laet u niet verheeren
't Zy watse v ghebiedt.
Vrijer.
Het schijnt ghy spreeckt met reden,
Maer 'tis niet in mijn macht
V schoonheydt en u seden
Heb ick te veel gheacht,
Dies doen ick u mijn clacht
En wilt my lief verheven
Een woord van troost doch gheven
voor treuren dagh en nacht.
Vrijster.
Wat troost wilt ghy ontfanghen
| |
[pagina 30]
| |
Van een daer ghy me spot
En hebt dies gheen verlanghen
Al ben ick slecht en bot
Nochtans so ken ick 't slot
V smeecken en u preecken
En uwe loose treecken
Daer voor bewaer my Godt.
Vryer.
Noyt heeft my soo verdroten
Als nu te leven goedt,
Cupido heeft gheschoten
Mijn hert en al mijn bloet
Nochtans mijn liefste soet,
Die hout my leughenachtigh,
Daer ick nochtans waerachtigh
Haer eer bemin met spoet.
Vryster.
Men heeft al eer gheweten
Van valsche Minnaers fel,
Als zy tot hun vermeten
Ghecomen waren wel,
So vielen zy rebel.
Eneas heeft bedroghen
Zijn Dido, en ghetoghen
Js hy van Libien snel.
Vryer.
Leander daer en teghen
Heeft zijn Princesse schoon
Ghesocht door diepe weghen
Jn Zee als vrint idoon
Moght ick om u persoon
Oock dwalen in groot lyden
Om namaels te verblyden
Soo sou ick wachten loon.
Vryster.
O Prins, O Jonghman rustich
Bemint u Lief correckt
Jn jonst en eeren lustich
Want dit de jonst verweckt,
Gheveynstheyt laet bekeckt
| |
[pagina 31]
| |
Soo mooghdy prospereren
Met haer oock gaen spanceren
Daer u de liefde treckt.
FINIS Elck kan falen.
Die liefd' en can,, hoe stercken man
Verwinnen noch ghekeeren,
VVanneer zy dan,, in't hert neemt an,
Soo brenghtse veel verseeren.
Zy toont haer cracht, Cupidos macht
Doet menigh treurigh leven
Dees pijn ontsacht,, die wordt versmacht
Als lief liefs loon wilt gheven,
Maer comt envy,, en stelt party
Daer liefde hoort te wesen,
Zoo is in ly,, een zy en hy
Een wondt quaed om ghenesen.
Elck kan falen. |
|