Den nieuwen verbeterden lust-hof gheplant vol uytghelesene, welgherijmde, eerelijcke, amoreuse ende vrolijcke ghesanghen
(1607)–Michiel Vlack–
Auteursrechtvrij
op de alemainge amoreuse
| |
[pagina 3]
| |
Voortaen niet meer en achten
Die lusthoven planteyt
Zijn door Flora besaeyt
Yder hen doch bereyt
Om daer met naerstigheyt
De vreught bloemkens te pluijcken
Die door Phebo ontluijcken
Gheneuchelijck om ruijcken
Jnt groene landt daer Venus u verbeyt.
Daer sal hem openbaren
Cupido, die zeer garen
Tot dienst van haer dienaren
Bereyt zijn booghe vaerdich,
Voeght u aldaer by paren
Ghy die zijt jonck van jaren
Slaet op der vrueghden snaren
Als amoreusen aerdich
Aenschout hoe soet
dat Ceres haer op doet
't Landt staet in overvloet
Becleet met vruchten goet
die zy u voor laet comen
Eerst van haer tack ghenomen
Eet daer van sonder schroomen
Tot dat u lust in als sal zijn gheboet.
Wijn die droefheyt can crincken,
Sent Bacchus om te drincken,
Waer door men siet ontsincken,
Veel sware fantasyen
Of Nyders al wat dincken
Men gater niet van hincken
Laet vry u keeltgiens klincken
Jn spijt van diet benyen:
Onder een groen pryeel,
Alwaermen 'tsoet ghequeel
Hoort van 'tghevoghelt eel
Die int ghetal zeer veel
Zijn buyten inde hoven,
En daer danckbaerlick loven
D'eenigh Schepper hier boven
Na 'tvermoghen van haer krachten gheheel.
Prince wilt niet vertraghen
Om vreughde te bejaghen
Want dese schoone daghen
| |
[pagina 4]
| |
Die sullen haest verdwijnen:
Al 't gheen nu vrucht sal draghen
Werdt metter tijd ontslaghen
Soo datmen dorre haghen
Jn plaets van groente vynen:
den winter kout
Verthoont hem dan weer stout
Als man grijs ende out
Met snee hy d'aerd bedout,
Zeer haest die groene biesen
Haer kleuren dan verliesen
Door t'comen vande vriesen
Die soo het landt, krygen in haer gewout.
Wie kant ontvlien? |
|