Den nieuwen lust-hof

[p. 3]

[Deel 2]

Sonnet.

Dijn sanghs ghedicht (OVlack) ghestelt in't vroet
My wond'ren doet,,om dat ghy zoo al even
Nieu Fransche maet ghestelt hebt en gheschreven
Oock uwen sin wel recht op voysen soet
Ghy leert de jeught,, met vreught,,de deught,,zeer goet,
De Ionckheydt moet, Poëten lof u gheven
Om dat ghy hebt, tot voordeel hun gheschreven
En me ghedeylt, uyt Castalides vloet.
Soo yemant wilt lichtvaerdigh dese singhen
Of int ghelagh, der Dronckaerts spotwijs bringen
Verdient den loon, als Midas langh gheoort,
Doch t'onverstant, en can gheen tijt gherusten
Daer zijnder veel, die 'tschryven souden lusten,
Maer Phoebi volck, te noo 'tmisbruijcken hoort.

Elck kan falen.