Den nieuwen lust-hof

Sonnet tot Momus.

Ist dat ghy wilt, O Mome op mijn dicht

Met u ghesicht,,dijn valsche oogh versaden,

Dwinght uwen aerdt, laet staen u schimpich smaden,

Want gheen persoon, en wordt door u ghesticht.

Maer kondy niet, so spreeckt vry op u bicht

En brenght int licht (het waer u wel gheraden)

Schrijft ghy u doen, en ick Cupidoos daden,

Die't slimste werckt, 'tis reden dat hy swicht,

Niet dat ick wil by yemant my ghelijcken,

Die cloecker zijn als ick in't redenrijcken,

Of ouder oock, ick eer den grysen baert.

Homeri stijl, noch Lisias practijcken,

En wist ick noyt, die conste laten blijcken;

Doet oock also, om werden goedt vermaert.

Elck kan falen.