Versamelde gedigte

Diamanda

Du hast Diamanten und Perlen. Heine

Jy het diamante wat skitter,
Jy't al wat 'n mens kan begeer;
Want jy het die skattigste ogies -
Klein liefling, wat wil jy nog meer?

Ek delf in my brein - ag! - wanhopig
Vir woorde so gloeiend, so teer
Soos daardie betowerende ogies -
Klein liefling, wat wil jy nog meer?

En met die verleidelike ogies
Wat my soos twee vlamme verteer,
Rig jy nog die delwer te gronde -
Klein liefling, wat wil jy nog meer?