Versamelde gedigte
(1981)–A.G. Visser–
Auteursrechtelijk beschermd
[pagina 133]
| |
5 Om te singKalwerliefdeWysie: I come from Alabama. Amerikaans Daar oorkant in Transvalia,Ga naar voetnoot1.
Daar woon 'n liefste kind,
Sy is die appel van my oog
En ek haar beste vrind!
O my Diena!
Hoe is jy tog so fraai?
Ek voel my reeds in Kanaän,
As ons twee tiekiedraai.
Jy woon daar halfpad na die lug
So onbereikbaar ver;
Die liggie in jou venster is
My aand- en môrester!
O my Liena
Jy's as 'n ster so skoon -
Net jammer dat jy in die lug,
En ek op aarde woon.
En weet jy wat Concordia
Wil sê in Afrikaans?
Twee hartjies wat net eners klop
Van smôrens vroeg tot saans!
O my Miena
Hoe is jy tog so lief?
Jy't lankal reeds my hart gesteel,
Jou soetste hartedief.
| |
[pagina 134]
| |
Elk' aand voor ek aan slaap kan raak
Dink ek nog eens aan jou;
Aan goue lokkies ongebind
En aan twee ogies blou!
O my Niena
Hoe is jy tog so mooi?
Is daar 'n lelie wit soos jy,
'n Roos as jy so rooi?
Daar buite op die voetbalveld
Speel ek my pers en blou;
En in die skool leer ek my grys -
En alles net vir jou!
O my Siena
Hoe lyk jy so piekfyn?
Wat is die wêreld sonder jou?
Soos sonder goud 'n myn!
En word ek eendag president
Van heel Suid-Afrika,
Dan gaan ons na die hoofstad toe,
Ons tweetjies op 'n wa!
O my Tiena
Jy span tog maar die kroon;
Hier is my hart so teer en trou
Vir jou om in te woon!
|
|