Dit syn X goede boerden
(1860)–Eelco Verwijs–
Auteursrechtvrij
[pagina 4]
| |
Van den cnape van Dordrecht ene sotte boerde. II.Alle swighet ende hoort:
Wat te Dordrecht in de poort
In corten tide nu ghevel,
Dat soe weet de meneghe wel.
5[regelnummer]
Te Dordrecht wert men gheware
Van enen man met langhen hare:
Sere costelijc hi was.
Eer men die ierste messe las
Was hi altoes in den wijn;
10[regelnummer]
De beste spise moestem sijn,
Die men vant, altoes ghecocht
Ende in die taverne brocht.
Dese knape was soe milde,
Wie dat met hem drincken wilde,
15[regelnummer]
Was hi groet ofte cleene,
Dese knape betalet altoes allene.
Des baeliuus knapen die dit sien
Wel vii daghen datse spien,
Wat ambacht dat hi plach,
20[regelnummer]
Die selken kost dreef alden dach:
| |
[pagina 5]
| |
Sine saghen hem doen gheen ambacht.
Vore den baeliu hebben sijt bracht,
Dat soe costeliic es een man,
Ende men niet gheweten en can,
25[regelnummer]
Buten der porten ofte daer binnen,
Waermede dat hiit goet can winnen.
Alse die baeliu dat verstoet,
Den knape sochti metter spoet;
Op de strate hine vant.
30[regelnummer]
Die baeliu sloech om hem die hant,
Hi sprac: ‘Knape, ghi moet mi tellen:
Ic sie u onder die ghesellen
Alden dach wijn drincken,
Den meneghen doedi scincken
35[regelnummer]
In die taverne sijn ghelach,
Wanen u dit al comen mach;
Dat ghi dus gaet drincken, eten,
Dat willic emmer van u weten.’
Die knape sprac: ‘Lieve here,
40[regelnummer]
Ic sal u tellen mine nere,
Maer bedect moet bliven:
Ic baenke om gelt der mannen wiven.’
Die baeliu hilten anden caproen
Ende sprac: ‘Mach men alsoe doen,
45[regelnummer]
Ic en cans u niet gheloeven,
Ic en sies teeken metten oghen.’
Die knape sprac: ‘Volghet mien,
Her baeliu, ghi selet sien;
Mi comen hueren hier ter plaetse...’
50[regelnummer]
- ‘In hoerde noit soe goeden caetse,’
| |
[pagina 6]
| |
Sprac die baeliu, ‘al nu gaet
.............Ga naar voetnoot1)
Nemmermeer alse van mien
Magic enech teeken sien.’
55[regelnummer]
De knape vanden baeliu sciet.
De baeliu hier na cort siet
Waer een out wijf quam ghegaen.
Al daer de knape was ghestaen
Daer maecte si haren ganc:
60[regelnummer]
In beiden siden was si manc.
Den knape sprac si al dus an,
Wel sijs haer ghehulpen canGa naar voetnoot2):
Over een droeghens sijs daer.
Die knape die tert hier naerGa naar voetnoot3)
65[regelnummer]
Toten baeliu daer hi stont.
Hi sprac: ‘Her baeliu, xx pont
Salic winnen eer comt morghen;
............Ga naar voetnoot4)’
Moghdi wesen wel van mien.’
70[regelnummer]
- ‘Hier hebbics ghenoech ghesien:
Seker ghi sijt een goet gheselle,
Ghi winnet met besweetten velle.’
| |
[pagina 7]
| |
Drie daghe wel hier na leden,
Dat die baeliu had doen ghereden
75[regelnummer]
Enen maeltijt met sinen maghen,
Over tafel began hi ghewaghen
Van den scoenen jonghelinc,
Ende waer mede hi omme ginc,
Ende hoe hi hem soude maken cont,
80[regelnummer]
Dat hi soude xx pontGa naar voetnoot1)
Winnen op enen nacht.
Si spraken: ‘Dats een goet ambacht.’
Alse desen maeltijt was ghedaen
Des baelius wijfs opghestaen
85[regelnummer]
Ende ginc in hare camere sciere,
Daer si vant haer cameriere.
Si sprac: ‘En hebdi niet ghehoort
Vanden knape in die port,
[Die] om gelt can doen die bederve:
90[regelnummer]
Ic moeten hebben oftic sterve.
Soecten tot dat ghine hebt vonden.
Gheloeft hem ghenoech der ponden,
Dat hi come in deser nacht
An mi werken sijn ambacht.’
95[regelnummer]
Die cameriere liep ende ran
Toter tijt datse vant de man.
Si droeghen over een ter stont,
Dat hi soude winnen xx pont.
Altoes waest de baelius sede,
100[regelnummer]
Dat hi selve wachten dede
| |
[pagina 8]
| |
Alle nachte met sinen knapen;
Entie wercman ginc slapen:
Sijn werc dede hi alsoe wel,
Dat hem die scoene vrouwe snel
105[regelnummer]
Groeten prijs hevet ghegheven
Boven haren man int leven,
Ende alst biden daghe quam,
Die vrouwe de tale ierst nam
Ende sprac: ‘Knape, nu opstaet,
110[regelnummer]
Hets tijt [ghi] van hier nu gaet.
Men sal u betalen morghen.’
- ‘Ic mach emmer niet borghen,’
Sprac die knape, ‘ic moet ontfaen
Mijn gelt eer ic op sal staen.
115[regelnummer]
In hebbe niegherinc ghewrocht,
Mijn gelt en was mi ghecnocht
Smorgens in mijn hemdekiin.’
Die vrouwe sprac: ‘De here mijn,
Het es dach, hi sal comen:
120[regelnummer]
Ons beiden werdet dlijf ghenomen.’
Met dat si al dus laghen
Begant herde scoene te daghen.
Die baeliu die wil gaen slapen,
Orlof gaf hi sine knapen,
125[regelnummer]
In sijn camer ginc [hi] afdoen
Cleedre, cousen ende scoen:
Doen keerdi hem te bedde waert.
Sciere versach hi des knapen baert:
De baeliu die wert sere ontdaen,
130[regelnummer]
Entie knape recht hem op saen
Ende sprac als een deghen vrome:
| |
[pagina 9]
| |
‘Her baeliu, sijt willecome!’
Die baeliu verkenden scier
Ende sprac: ‘Wat doedi hier?’
135[regelnummer]
Die knape andworde saen:
‘Mijn ambacht hebbic hier ghedaen.’
Die baeliu sprac: ‘Doet an u cleeder,
Ende gaet wech; ghi hebt mi leeder
Ghedaen dan mi noit man dede.’
140[regelnummer]
Die knape ter antwerden sede,
Alse die stout was ter talen:
‘Her baeliu, doet mi miin gelt halen,
Daer ic omme hebbe ghezweet.
Over lanc waric ghecleedt,
145[regelnummer]
Ende ware wech van hiere,
Haddic in minen pauteniere.’
Die baeliu sprac: ‘Doet mi verstaen,
Hoe vele seldire af ontfaen?’
De knape sprac: ‘Mijn ghelof
150[regelnummer]
Was, eer ic quam int hof,
Eer ic noit dit werc bestont,
Was miin belof xx pont.’
De baeliu sprac: ‘Doet mi ghene scande,
Des biddic u in desen lande.
155[regelnummer]
xx pont sal ic u gheven,
Maer noit en gavic in mijn leven
Gelt dat mi dede soe wee.
Uus wercs en willic nemmermee.’Ga naar voetnoot1)
Die knape ontfinc sijn gelt.
160[regelnummer]
Alse hijt hadde in siere ghewelt,
| |
[pagina 10]
| |
Docht hem sijn goede avontuere.
Wat si vort binnen der duere,
De baeliu ende sijn wijf, bedreven,
Des en hebbic niet bescreven;
165[regelnummer]
Daer omme ic hier de redene late.
God gheve ons ter zielen bate!
Amen.
|
|