Spiegel historiael. Vijfde partie. Deel 3
(1938)–Lodewijk van Velthem–
Auteursrecht onbekend
[pagina 103]
| |
Hoe die keyser voer dor der viande lant int Gravescap van Parose .xxxix.Te Pavie seide sinen raet
Die keyser den sinen hoe soet gaet:
‘Ic wil trecken over die siden
Ende wil rechte toe tiden,
2600[regelnummer]
Sprac hi, dore der viande lant.Ga naar margenoot+
Ic wil hem hier nu doen becant,
Dat icse hate in dit anscouwen.
Ic segt u, bi mire trouwen,
Dat icse hier so scaden sal,
2605[regelnummer]
Datter Rome of waget al,Ga naar margenoot+
Vanden genen die daer bleven.
Ic sal hem hier den loen geven,
Diesi daer verdienden an mi.
Ic salse hier oec maken vriGa naar voetnoot2609
2610[regelnummer]
An haer borge, an haer stede,Ga naar margenoot+
Diese hebben gelaten mede,
Om mi te Rome te wederstane.
Sine comen nemmer so sciere dane,
In saelt hem geloent hebben eer,
2615[regelnummer]
Want in reste nemermeer,Ga naar margenoot+
In sal haer borge vellen daer al,
Ende bernen mede groet ende smal,
Dorpe, steden, castele alsoe,
Ende asselgiere dlant altoe.’
2620[regelnummer]
Doen hi dit hadde geseget,Ga naar margenoot+
Werd daer van sinen vrienden gevreget,
| |
[pagina 104]
| |
Of hi niet hadde strijts genoech:
‘Ghi wilt alte groet ongevoech,
Ende willet over al verwerren,
2625[regelnummer]
Wi secgent u wel al sonder merren,Ga naar margenoot+
Dat wi met u daer niet en varen,
Ga naar margenoot+ Oft wi nu voren met onser scaren
In haer lant asselgieren dat,
Ende trocken dan vor selke stat,
2630[regelnummer]
Die ons pant genoech van binnenGa naar margenoot+
Dade, ende dan, in andren sinne,
Die viande die wi te Roem lieten
Waendi hem en souts verdrieten
Datmen haer lant dus afrede.
2635[regelnummer]
Ende of si dan ons volgen medeGa naar margenoot+
Ende quamen toe van achter,
So mocht wijs hebben lachter,
Ende scade groet ende toren,
Als ons quamen derre van voren,
2640[regelnummer]
Ende dander achter, so mochte wiGa naar margenoot+
Dit becopen also daer bi.’
Om dit en liets die keyser niet,
Mer alse saen alse hi siet
| |
[pagina 105]
| |
Den dach verbaren des ander dages:
2645[regelnummer]
‘Die wille, volge mi mijns gelages,Ga naar margenoot+
Ic vare vore, die wil, volge na,
Ic sal ember, hoe soet ga,
Waer ic can minen viant deren,
Ende oec salic helpen geweren
2650[regelnummer]
Mine vrient, waer dat ic can.’Ga naar margenoot+
Aldus sciet die keyser van dan
Met lettel goet liede, dat verstaet,
Ende doe dit vernam die gemeine raet
Droegense over een daernaer,
2655[regelnummer]
Ende volgeden hem saen alle daer,Ga naar margenoot+
Maer hi was vore een goede stonde
Met banieren al ongebonden,
Was hi verre vort gereden.
Doen senden die ander daer ter steden
2660[regelnummer]
Ane den keyser met haesticheiden,Ga naar margenoot+
Dat hi haers daer soude ontbeiden.
Om dat onbeidi een willekijn,
Tot dat vergaderden die liede sijn.
|
|