Spiegel historiael. Vijfde partie. Deel 2

[p. 317]

tekstkritische noten

Titel: nummering steeds foutief: .xxvii. in de plaats van .xxxi. 2180 opbreken hs.: op breken 2198 overleden hs.: over leden.

Hoe dander bataclge inquam [.xxxi.]

⁺ Nu quam dander bataelge daerbi,
Vreselike slaende op mijn her Ghi,
Dat hem there delven dochte
Metter cracht die si brochte.
Het was dat vreselixste opbreken⁺
Daer men noyt af horde spreken.
Men seit vele van Roncevale,
Maer dits die jammerlixste tale,
Diemen yegeren af tellen mach,
Of daer men noyt af horde, of sach.⁺
Mijn her Gi sette hem ter were,
Recht ten midden vanden here,
Onder dien cloester van der Nonnen,
Daer een gracht comt geronnen
Vander Leye, te wege ward,⁺
Daer was dat Vlaemsce here gescard.
Nu doet u selc logen verstaen,
Ende secgen van dere gracht saen:
Datse die Fransoyse en wisten niet,
Ende datsi daerombe hadden tverdriet.⁺
Dat es sceren ende groet spel.
Si wisten alle dese gracht wel,
Ende warense oec wel overleden,
Maer also alsi achterwaerd treden
Met haren orssen, daer si deisden,⁺
Daer hem vanden slagen eysden,
Daer vielen si in die gracht altoe,
Ende bleven daer versmort alsoe.

+ bl. 49 d.

+ (5)

+ (10)

+ (15)

+ (20)

+ (25)