Spiegel historiael. Vijfde partie. Deel 2

Hoe Guleke Cas[s]ele belach .xx.

Binnen desen tide, met ere pertien,
Som van Brucge ende vanden Vrien,
So hadde Willem van Guelke beleit¹³³¹
Te Cas[s]ele den castele gereit.
Doen die van binnen dat vernamen,⁺
Dattie van Brucge op hem quamen,
Gingense haren casteel sluten,^1335-1336
Jegen diegene die lagen buten.
Hi dede engiene stellen gerede
Om den casteel te winne[n] mede.⁺
Diegene die daer boven lagen.
Doen si gene wapen sagen,
Worden si sere te barenteert.
Die van den Vrien, wien dat deert,
Trocken vaste te mure toe.⁺
Die casteel werd bestaen alsoe,

1331 Willem van Guelke: Willem van Gulik had zich reeds den 9ⁿ Juni te Cassel begeven

+ (5)

1335-1336 Jan, zoon van dien Jan van Meenen, die een der getrouwste ridders van den graaf van Vlaanderen was (hij had o.a. in 1299 namens zijn leenheer met paus Bonifacius VIII onderhandeld).

+ (10)

+ (15)

[p. 282]

1345

Datsi worden hantgemene.

 

Gene quarele ende gene stene,

 

Die van boven op hem vielen,

 

Dadense som ter eerden enielen⁺

 

Ende vanden berge vallen neder.

1350

Maer si vercoeverden ember weder,

 

⁺ So datsi ene porte braken

 

Ende tvorprijs buten ontstaken.

 

Sine lieten daer buten niewet staen.⁺

 

Daer was .i. starc assaut gedaen:

1355

Mijns her Jans sone, her Jan,

 

Van Meninc, een jonc man,

 

Was geworpen met enen stene,

 

Dat hem sine targe oec na tgene⁺

 

Stucken vloech in .iiii. quartieren.

1360

Guelke riep daerna scieren:

 

Datsi hem den casteel gaven saen,

 

Ende sgraven teken op daden staen,

 

Oft si soudenre doet in bliven,⁺

 

Hoe lange dat sijt willen bedriven.

1365

Si seiden dat sijs niene daden,

 

Noch vallen willen in genaden,

 

Noch hem selven doen den lachter.

 

Die van Brucge trocken achter,⁺

 

Ende gereiden hem ten stride.

1370

Guelke trac ane dene side,

 

An dander side Peter die Coninc,

 

Met menigen sconen jongenlinc.

 

Dus logierdense buter scoten,⁺

 

Haer targen dadense vor hem poten.

+ (20)

+ bl. 46 e.

+ (25)

+ (30)

+ (35)

+ (40)

+ (45)

[p. 283]

1375

Doen scoten die van binnen uut,

 

Ende stichten letteren overluut

 

Alse tote Guelke sonderlinge,

 

Ende baden hem dat hise ontfinge,⁺

 

Alse Cortrike ware gewonnen,

1380

Dat tasselgierne es begonnen,

 

Niet eer en willense hem opgeven,

 

Ende baden datmense liete leven.

 

Sine waenden niet, die van binnen,⁺

 

Datmen Cortrike soude mogen winnen.

1385

Men scoet gene lettere uut ende inne

 

.xx. werven, na minen sinne,

 

Van vreden ende van onvreden.

 

Daer was menige lettere van beden,⁺

 

Datmen hem gave so lange respijt,

1390

Si gaven hem op den grave Wijt.¹³⁹⁰

 

Alsi daer onderlinge streden

 

Quam .i. serjant daer gereden,

 

Die hem dede daer verstaen⁺

 

Dat Ypre waer in hant gegaen

1395

Sinen neve, mijn her Gij,

 

Ende Cortrike waer oec daerbi

 

Vanden grave van Artoys belegen.

 

Ende daer vard mijn her Gi jegen,⁺

 

‘Ende bit u dat gi hem comt in staden.’

1400

Dies werd Guelke sciere beraden,

 

⁺ Ende liet den casteel dus varen,

 

Dies die van binnen blide waren.

+ (50)

+ (55)

+ (60)

1390 Wijt = Gwijde.

+ (65)

+ (70)

+ bl. 46 f.

1345 hantgemene hs.: hant gemene 1355 Jans hs.: lans; Jan hs.: Ian 1356 Meninc: Le Long heeft Menine; jonc hs.: ionc 1372 jongenlinc hs.: iongenlinc.

1375 uut hs.: wt 1385 uut. hs.: wt 1390 Wijt hs.: wijt 1392 serjant hs.: seriant 1398 jegen hs.: iegen.