Spiegel historiael. Vijfde partie. Deel 2
(1931)–Lodewijk van Velthem–
[pagina 284]
| |||||||
Hoe Guelke te Cortrikewaerd voer ende hoe Cortrike belegen ward .xxi.Dus voer Guelke te Cortrikewaerd,
Ende Peter die Coninc met snelre vaerd.
1405[regelnummer]
Daer lagen Walen inden casteelGa naar voetnoot1405-1406
Te Cortrike binnen, inden casteel,
Die die coninc hadde doen werken (5)
Naest Onser Vrouwen kerken.
Dese waren vorsien van allen dingen,
1410[regelnummer]
Dies men daer conde volbringen,
Van eten, van drinken, van engienen,
Si souden gerne den coninc dienen,Ga naar margenoot+
Ende behouden, mochtsi, dlant.
Dese scoten u[u]t, ende maecten brant
1415[regelnummer]
Ende verberden met ere acort,
tScoenste ende tbeste vander port,
Ane die maret een groet vlac.Ga naar margenoot+
Si scoten vier, dat gerne ontstac,Ga naar voetnoot1418
Met vlieken, die gesplinte[t] waren,Ga naar voetnoot1419
1420[regelnummer]
Die clincten alse gespannen snaren
Daer si ande wande vlogen.
| |||||||
[pagina 285]
| |||||||
Een Peter, die daer was wel vermogenGa naar margenoot+Ga naar voetnoot1422
Inden casteel, een Vlaminc fijn,
Was daer metten gesellen sijn.
1425[regelnummer]
Die Vlaminge waren nut gesocht,
Die hi met hem daer in had brocht.
Hi had lange te Gent gewesen,Ga naar margenoot+
Hi wilde sijn sout verdienen mettesen,
Ende den coninc behouden dlant.
1430[regelnummer]
Dese dede der stat groten pant.
West Vlaendren si oec ver[ri]eden,
Om haelsone ende om mieden.Ga naar margenoot+Ga naar voetnoot1432
Wie oec vanden paus spraken,
Dat hi den coninc soude doen braken,
1435[regelnummer]
Dien wildi graven opter stat,
Oft sijn lijf nemen omme dat.
Dese lagen daer in dien casteel,Ga naar margenoot+
Ende scoten ute menich quareel
Optie van binnen ende worpen met
1440[regelnummer]
Menigen stene ongelet.
Die daer binnen daer scoten liepen,
Baden die ander, ende riepenGa naar margenoot+
Dat elc vor hem selven sage.
Die sonne stont te middage.
1445[regelnummer]
Si daden haer porten sluten
Ende die Fransoyse daer buten.
Dus hadsi vrese buten ende binnen,Ga naar margenoot+
Ga naar margenoot+ Datmen die porte soude winnen.
Ende binnen dese was geseit,
| |||||||
[pagina 286]
| |||||||
1450[regelnummer]
Dat Dornecsporte waer beleit
Vanden Vranken, ende si daer jegen.
Daer bleef .i. Norman verslegen,Ga naar margenoot+
Een ridder, die hiet Mertelet.Ga naar voetnoot1453
Dese hadde sijn spere geset
1455[regelnummer]
Up enen Philips van Hoechstaden.
Bede vorensi daer onberaden
Deen opten andren joestieren.Ga naar margenoot+
Daer moesten si bede faelgieren,
Ende bleven oec lecgende int sant.
1460[regelnummer]
Van Aelst so was dese serjant.
Die assaut, ende dese strijt,
Geduerde al toter verspertijt.Ga naar margenoot+
Dit was dies manendages die lachGa naar voetnoot1463-1464
Vore sente Amelbergen dach.
1465[regelnummer]
Des ander dages, te vespertide,
Daden die Vranken, met groeten nide,
Vor Riselporte een ander assaut.Ga naar margenoot+
Die wege waren hem so benaut
Datter .v. bleven doet
1470[regelnummer]
Vanden Vranken, diemen scoet,
Ende een Vlaminc blever verslegen.
God moete siere sielen plegen!Ga naar margenoot+
Daer bleef die here van Vliege doet,Ga naar voetnoot1473
| |||||||
[pagina 287]
| |||||||
Dies her Gi had rouwe groet,
1475[regelnummer]
Want hi was sijn maech ten derden.
Artoes senden daer, sonder verden,
Omdat hi den grave was belanc,Ga naar margenoot+
Ende dat oec was an sinen danc,
Ende in despite van sgraven kinderen,
1480[regelnummer]
Die hi gerne soude hinderen,
Van goede, van live ende van eren.
Dus bleef die ridder sonder keren,Ga naar margenoot+
Noch en quam tcarijn niet vort.Ga naar voetnoot1483
Het lach te Cortrike, buter port,
1485[regelnummer]
Op .v. bogescoten wel na,
Op Mossenborch, alsict versta,
Die nu heet die Berch van weelden.Ga naar margenoot+
Daer lagen die Franken op, ende speelden
In haren tenten ende pauwelgonen.
1490[regelnummer]
Si lieten vechten die garsoenen
Ende assaut doen op Cortrike
Tot ander dages tilike.Ga naar margenoot+
|
|