Spiegel historiael. Vijfde partie. Deel 2
(1931)–Lodewijk van Velthem–Hoe die coninc Edeward van Ingelant in Vlaendren quam .ii.In desen tiden, dat es becant,
Quam Edeward in Vlaenderlant,Ga naar voetnoot78
Die in Ingelant coninc was.
80[regelnummer]
Galoyse brachti, alsict las,
Een groet deel, ende Ingelsce medeGa naar margenoot+
Tote Gint quamen in die stede,Ga naar voetnoot82
Daer die grave van Vlaendren lach
Met menigen ridder optien dach.
85[regelnummer]
Die hertoge van Brabant lach oec daerGa naar voetnoot85
Met vele volx, wet overwaer,Ga naar margenoot+
Ga naar margenoot+ Ute sinen lande, ende oec mere
Vander Mase, oec menich here,
| |
[pagina 229]
| |
Ende oec vord vanden Rine
90[regelnummer]
Warensi daer comen in scine.Ga naar voetnoot90
Wonderlike vore sach men daerGa naar margenoot+Ga naar voetnoot91
Onder die Ga(y)loyse overwaer:
Al barsser been liep daer tgene,Ga naar voetnoot93
Ende met enen roden rocke gemene.Ga naar voetnoot94
95[regelnummer]
In midden den winter was oec dit,
Ic weet wel dat niet sere verhit.Ga naar margenoot+
Dat volc dat aldus daer ginc,
Dat gelt, dat van den coninc ontfinc,
Dat verteret al wel na
100[regelnummer]
In botermelke, alsiet versta.
Dat at ende dranc, waer dat vant.Ga naar margenoot+
Van wapen en werdic nie becant
Dat dit volx(e)ken anedroech.
Nochtan meretick er om vele ende genoech,
105[regelnummer]
Ende wandelde onder hem oec daer
Om van hem te weten waer.Ga naar margenoot+Ga naar voetnoot106
Maer dat si hem wapinen soudenGa naar voetnoot107
Oft si op yement striden wouden:
Bogen, gescutte ende swaerd,
110[regelnummer]
Dit was aldaer haer ruwaerd,Ga naar voetnoot110
| |
[pagina 230]
| |
Ende gavelote ende linen laken,Ga naar margenoot+Ga naar voetnoot111
Dit waren aldaer hare saken,
Die si hadden te hare were.
Van drinken warense gulsech sere.
115[regelnummer]
Si lagen oec sonderlinge daer
In Sente-Petersdorp vorwaer.Ga naar margenoot+Ga naar voetnoot116
Qualike droegense overeen
Metten Vlamingen, alst wel sceen,
Want haer sout was hem te clene,Ga naar voetnoot119
120[regelnummer]
Ende angreep somwile om tgene
Dinge, die hem niene waren.Ga naar margenoot+
Die wile dat dit was, so was twaren
In Vrancrike, ende nam goem
Mijn her Godevard, thertogen oem,Ga naar voetnoot124
125[regelnummer]
Des coninc Philips van Vrancricke.
Ander heren oec dies gelikeGa naar margenoot+
Lagen daer, ende hadden raet
Hoemen dit orloge best angaet.
Haer raet droech aldus ineen,
130[regelnummer]
Sodat hem dbeste wesen sceen,
Dat sise laten licgen alsoeGa naar margenoot+
Tot hoge opden somer toe:
Dan selensi verteert wesen,Ga naar voetnoot133
Ende selen sceden aldus mettesen.
| |
[pagina 231]
| |
135[regelnummer]
Ende wi selen altenen oec gebaren,
Alse oft wi ute souden varen,Ga naar margenoot+
Ga naar margenoot+ Ende maken geruchte ende gescal:
Dit salse houden te gader al.
Aldus gevielt oec min no mere.
140[regelnummer]
Si bleven te Gint met haren here.
Liegende alden winter daer,Ga naar margenoot+
Ende verteerden hem so naer
Dats den here daer verdroet.
Dit dede dinnen haer conroet.Ga naar voetnoot144
|
|