Spiegel historiael. Vijfde partie. Deel 1
(1906)–Lodewijk van Velthem–
Auteursrecht onbekendHoe den coninc boetscap quam, dat die Galose op Ingelant streden. xxxix.2895[regelnummer]
Niet lanc doen dit groet verdriet
Den coninc van Ingelant was gesciet.
Quamen boden tot hem te hant,
Die seiden, dat op Ingelant
Die van Gales hadden strijt.Ga naar margenoot+
2900[regelnummer]
Om dese sake ter selver tijt
Keerde die coninc met haesten saen.
Mar pine haddi sonder waen
Vander wonden, in dat keren;
Nochtan en wildi niet ontberen,Ga naar margenoot+
2905[regelnummer]
Alse saen alse hi over quam,
Hine voer daer ward, ende hi nam
Den strijt optie Galose daer
Ende scoffieretse alle daer naer.
| |
[pagina 371]
| |
Mar si hem som int wout ontstreken,Ga naar margenoot+
2910[regelnummer]
Daer si hem aldus ontweken.
Daer om lach hi daer ene stont
Om dat wout, dat hem niet cont
En was, noch oec den sinen,
Die brachten daer in mere pinen,Ga naar margenoot+
2915[regelnummer]
Want die gene die daer in lagen,
Wisten wel des bosch gelagen
Ende quamen den coninc van achter toe;
Ende die ander waren doe
Op enen berch comen daer naer.Ga naar margenoot+
2920[regelnummer]
Die vore waren gevloen daer,
Die scoten weder ten coninc ward.
Dan quamen van achter metter vard
Die int wout waren gevloen,
Ende streden opden coninc doen.Ga naar margenoot+
2925[regelnummer]
Doe dit die coninc vernam,
Ward hi tornech ende sere gram,
Ende dede sijn here deylen in tween;
Ende droegen daer dies over een,
Dat sise dus wilden bestaenGa naar margenoot+
2930[regelnummer]
Ende vore ende achter also verslaen.
Op enen margenstont, godweet,
- Waerbi het quam ic niene weet -
So trocken die gene uten woude,
Also alst wesen soude;Ga naar margenoot+
2935[regelnummer]
Ende des coninc liede wordens geware
Ende lietense comen harde nare.
Ga naar margenoot+ Nu lach dene pertie vans coninc here,
- Dies dese en wisten min no mere -
| |
[pagina 372]
| |
Besiden den woude, gewapent wel,Ga naar margenoot+
2940[regelnummer]
Met goeden parden, dapper ende snel;
Ende alse die gene dus waren uut,
Lieten lopen met groter geluut
Die gene die daer lagen besiden,
Ende ondergingen hem dwout tien tiden;Ga naar margenoot+
2945[regelnummer]
Ende die van vore sloegen toe,
Ende die van achter oec alsoe.
Dus moesten si daer bliven alle.
Mar eert quam tesen mesfalle,
So verloes die coninc inden danGa naar margenoot+
2950[regelnummer]
Meer dan .ijc. man.
Die ander, die opten berge lagen,
Begonden hem om dit versagen,
Ende gingen vlien wat si mochten.
Der gere, die daer nu dus vochten,Ga naar margenoot+
2955[regelnummer]
Was wel .ijm., hebbic verstaen,
Die daer die doet moesten ontfaen.
Dus ward daer gesuverd al,
Bosch, berch, water ende dal,
Tusscen Gales ende Ingelant;Ga naar margenoot+
2960[regelnummer]
Dus eest den coninc gegaen in hant.
Nu gaen hier ander dinge voren,
Eer gi van hem meer selt horen.
|
|