Spiegel historiael. Vijfde partie. Deel 1
(1906)–Lodewijk van Velthem–
Auteursrecht onbekendVan Ridsarde enten hertoge van Oestrike. xxviij.Ghi hebt hier vore wel gehort,
Hoe twest was ende discort
2165[regelnummer]
Tuscen den hertoge van Oestrike
Ende die van Sassen des gelike,
Hoe sijs in den coninc bleven.Ga naar margenoot+Ga naar voetnoot2167
Dats hier vore wel bescreven.
Nu woude die hertoge, datmen seide
2170[regelnummer]
Dat secgen sonder enich beide,
| |
[pagina 342]
| |
Ende es ten coninc daer na gereden,
Ende sprac hem ane in goelijcheden.Ga naar margenoot+
‘Here.’ seit hi, ‘her coninc,
Wat salt sijn van deser dinc
2175[regelnummer]
Dies ic hier vore bleef in u?’
Die coninc daechden vorward nu
Tot dat hi hier op waer beraden:Ga naar margenoot+
‘In hebs noch niet gehad daer staden
Te vernemen, wies donrecht es.’
2185[regelnummer]
- ‘Her coninc, nu sijt dies gewes,’
Sprac die hertoge van Oestrike,
‘Ic gelovede u vele te tilikeGa naar margenoot+
Dat ic in u bleef van mire dinc,
Eer gi niet half ne ward coninc.’
2185[regelnummer]
- ‘En wasic niet coninc, wat wasic dan?
Ende oec so waerdi mijn man!’
- ‘Coninc en sidi noch niet wale:Ga naar margenoot+
U manscap te doen en was noyt tale.
Dies en benic niet, godweet,
2190[regelnummer]
Ende wariet, dat waer mi leet!’
- ‘En sidijs niet, so seldijt werden
Eer gi mi yet verre selt onterden!’Ga naar margenoot+
Sprac Ridsard. - ‘Bi Gode onsen here,
U ne gesciet dat nembermere,
2195[regelnummer]
Al haddi oec die van Cornuaelge
Met u hier in u battaelge.
Gi hebt hier lange genoech gevarenGa naar margenoot+
Om desen wije; gi moet den aren
Af leggen, dat secgic u!’
2200[regelnummer]
Die hertoge blies enen horen nu,
| |
[pagina 343]
| |
Ende sijn vole quam toe gevaren
Wel gewapent, in der gebarenGa naar margenoot+
Als te vechten enen strijt.
Die coninc hadde daer cranc respijt
2205[regelnummer]
Meer te spreken daer ter stede.
Hi ende oec sine liede mede
Moesten rumen, dat verstaet:Ga naar margenoot+
Ga naar margenoot+ Tlange merren waer hem quaet,
Want hi ende oec sijn conroet
2210[regelnummer]
Waren allegader bloet,
Ende die ander gewapent wel:
Dus was daer een ongedeelt spel.Ga naar margenoot+
Om dit ward ene vede groet.
Daer om gepijnt ward menich genoet.
2215[regelnummer]
Om te goede te maken die dine.
Hier af ward sere die coninc
In Aelmaengen achter gedaen;Ga naar margenoot+
Want meest die heren, sonder waen,
Waren den hertoge houder om das.
2220[regelnummer]
Om dat hi van dien lande was;
Ende Ridsard was daer vremde int lant,
Al was hi coninc daer genant.Ga naar margenoot+
|
|