Chronijcke van Leeuwenhorn

[fol. C8r]

Nota.

Hoe menich reys den Sijp bedijckt is / en weer inghebroken.

Doenme xvn hondert liij jaer hebben geschreven /

Is den Sijpe eerst te bedijcken aenghegeven /
Int jaer van 1570 alsoomen las
Brackt weer in / en wordet een waterplas
Int jaer 72 wordet weer ghemaeckt dicht
Int selve Jaer liepen de dijcken weer slicht
Wordet weer fray bedijckt aen allen oort.
Nu in den September maent vant selve Jaer /
Liept weer in / en in November daer naer
Wordet tgat noch dicht gemaeckt opten groeten wiel
En is op desen dach noch ghebleven heel /
God wil hier toe zijn seghen doen /
Dattet mach wassen worden en groen.

Nota.

Om baet zijn die Sijp Heeren by een ghecomen /
Om baet hebben sy t Sijpdijcken te hant ghenomen
Om baet hebben sy requesten gheschreven /
Om baet is haer een goet Octroy ghegheven
Om baet zijn die dijcken om t Sijp ghemaeckt
Om baet isser ghespeet / ghedolven gehaeckt /
Om baet deedmen Sluysen en molens setten
Om baet isser gheleyt goe kueren en wetten
Om baet comen tvolck om den Sijp te bouwen
Om baet salmen alle Jaeren den dijck schouwen
Wil God verlaten den Sijp met den Sijp heeren
So sal den baet in schade verkeeren.