Amorum emblemata

[p. V]

In Amores ab Othone Vaenio delineatos.

Cùm primùm patrio visa est è gurgite Cypris

Tollere fessa caput rore fluentis aquae,

Qualis erat, talem venienti reddidit aeuo,

Et secum iußit viuere Coa manus.

Paulatim niueae cedebant corpore gutte,

Iurares tremulum surgere semper opus.

Laeua videbatur lymphis illudere palma,

Stringebat tenues altera palma sinus.

Doctior Ottonis tot dextera pinxit Amores,

Quot gemitus & quot gaudia nutrit Amor.

Armati pharetris occurrunt vndique Diui,

Attollunt rigidas, sed fine luce, faces.

Et quamuis maneant, geminas librantur in alas,

Et nil cùm noceant, spicula saeua gerunt.

Si fas est, Venus ipsa tuo concedit honori,

Iam toties nati cuspide laesa sui.

Si fas est, similes, Vaeni, speramus Amores,

Saeuiùs armatos, & magis innocuos.

Daniel Heinsius.