LXIIII, Psalmen end ander ghesangen, diemen in de Duytsche Ghemeynte te Londen was ghebruyckende

Ad te Domine leuaui. Psalm.Cxxxij. I.U.

§ Dauid van syne vyanden verdruckt zijnde, begheert ende bidt hulpe vanden Heere, tooghende met een schoone ghelijckenisse des dienstknechts end maegts, zijn sorchuuldighe ghehoorsaemheyt, die oock alle gheloouighe sullen na volgen.

Op de Ouerlantsche wijse, Alleyne God inder hoechde zy eer, &c.

[p. 43r]

 

MIjn oogen hef ick tot dy God allein,

 

Bewooner der Hemelen Heere,

 

Recht als der knechten oogen ghemeyn,

 

Sien op de milde hant harer Heeren,

 

End als der maeghden oogen sien vrij,

 

Op haer vrouwen hant, so sien wy,

 

Op God, end onsen Heere.

 

 

 

So staen wy op onsen God en Heer, ⁺

 

Tot hy sick onser erbarme,

 

Goedertierenlick doet met ons Heer,

 

Ghenadelick hoort ons karmen,

 

Want wy van smadicheyt zijn versaedt,

 

Ons ziel is sadt van der rijcken smaedt,

 

End der grootscher, O Heer erbarmet.

+ Ghedult ende lancmoedicheyt Dauids in’t cruyce end lijden.