LXIIII, Psalmen end ander ghesangen, diemen in de Duytsche Ghemeynte te Londen was ghebruyckende
(1561)–Jan Utenhove–
Auteursrechtvrij§ Hoe datmen godsalichlick ende gheluckelick inden houwelicken staet sal moghen leuen.Op de Franchoische wijse des selfden Psalms.
SAlich is hy bedeghen,
So wie den Heere vreest,,
End wandelt in zijn weghen,
Rechtsinnich inden gheest.
Den arbeyt dyner handen,
Dy wel sal konnen voen,
End sult in alle standen,
Spoedich zijn in dijn doen.
Dijn wijf sal vruchtbaer wesen, Ga naar voetnoot+
Als wijnstocken vruchtbaer,
Die dynen huyse aenkleuen,
So sullen oock voorwaer,
Dyne kinderen beklijuen,
In groot ghetal ghesont,
Als planten van Olijuen,
Ouer dijn tafel ront.
| |
[pagina 41v]
| |
So sal bespoedicht wesen, Ga naar voetnoot+
Die God ten rechten dient,
Wt Zion God ghepresen,
Dy salich maken wilt,
Op dat du gantsch dijn leuen,
T’voorspoet Hierusalem,
Aenschout end daer beneuen,
God prijst met hert end stem.
En salt wt dynen zade,
Dobbel gheslachte sien,
In Israel ghenade,
End vrede bouen dien,
Dy zy O Heere ghepresen,
Lof inder eewicheyt,
Gheeft dat wy moghen wesen,
Tot dynen dienst bereyt.
|