LXIIII, Psalmen end ander ghesangen, diemen in de Duytsche Ghemeynte te Londen was ghebruyckende
(1561)–Jan Utenhove–
Auteursrechtvrij§ God beschermt de godsalighe, met de welcke de godloose in zijn rijck gheen deel hebben sullen.Op de Ouerlantsche wijse, des selfden Psalms.
SO wie hier haer betrouwen gaer, Ga naar voetnoot+
Op God den Heere legghen,
Die blijuen gantsch onwanckelbaer,
End laten haer niet beweghen.
Haer ghelooue is vast op God ghepast,
Op wien sy alwech mercken,
| |
[pagina 39r]
| |
Daerom voorwaer, so blijuen sy eenpaer
Uast als des Syons berghe.
Ghelijck die stadt Hierusalem,
Omringhet is met berghen,
Daer door de vyant wort ghetemt,
Dat hyse niet verderue:
So omringt God in aller noodt,
De syne, end wiltse aenkleuen,
End haer bystaen van nu voortaen,
Tot in dat eewich leuen.
God is gherecht end alwech goet, Ga naar voetnoot+
Hy sal oock niet toelaten,
Dat de godloose hebben den voet,
Ouer zijn huysghenooten,
Op dat de knecht, die daer is recht,
In sonden niet en valle,
Goet onderstant met syner hant,
Doet God den vromen allen
O Heer doet wel den vromen al,
Die recht in’t ghelooue leuen,
Maer die daer leuen na haer gheual,
End haer tot boosheyt gheuen,
Die sal de Heer met groot oneer,
Uerwerpen met de quaden.
Maer eewelick wel sal Israel,
S’heeren vrede hebben, Amen.
|