LXIIII, Psalmen end ander ghesangen, diemen in de Duytsche Ghemeynte te Londen was ghebruyckende

Leuaui oculos meos. Psalm.cxxi. I.U.

§ Dauid seyt hier dat de gheloouighen, na zijn exempel, verwachten moeten haer bystand van den eenighen God die daer beleyden sal alle haer heylich voornemen.

Op de Franchoische wijse. Qui au conseyl du malins &c.

VUanneer my koemt eenighe druck aen boord, ⁺ Tot den berghen hef ick mijn ooghen voort, Waer van

+ Een geloouich bedruckt herte heeft de oo-

[p. 37v]

 

ick op mijn hulp geduldich wachte, Mijn hulp ghewiß ick alleenlick verwachte, Uan den Heeren die daer gheschapen heeft, Hemel end Eerd, end alles wat daer leeft

 

 

 

Want hy sal niet struyckelen dynen voet Laten, niet sal slapen dijn hoeder goet, Sluymeren sal hy niet noch emmer slapen, Die daer ouer Israel zitt te waken. De Heer bewaert dy in allerley stand Als dijn schadw staet hy ter rechter hand.

 

 

 

Daerom sal dy de Son des daegs niet slaen, Mit heurer hit, noch ooc des nachts de Maen, De Heer zal dy wel bewaren end hoeden, Uoor alle quaed: end sal dijn ziel behoeden, De Heer sal dy hoeden mit zijn gheleyd, So wat du doest van nu in eewicheyt.