LXIIII, Psalmen end ander ghesangen, diemen in de Duytsche Ghemeynte te Londen was ghebruyckende
(1561)–Jan Utenhove–
Auteursrechtvrij§ Een verweckinghe om den Heere te prijzen, ouermits hy zick hier also vernedert ten nutte der verslaghenen ende ellendinghen.Op de wijse, alst beghin.
LOeft den Heer ghy die zijn knechten zijt,
Loeft doch den Name des Heeren,
Want synen Name ghebenedijt,
Prijselick seer moetmen vereeren,
Uan nu aen tot in eewicheyt,
Uan Oosten totten Westen breyt,
Prijslick is den Naem des Heeren.
Want de Heer verre verheuen is, Ga naar voetnoot+
Bouen den Heydenen alle,
End syne heerlicheyt groot end frisch,
Bouen des Hemels ghestelle.
Wie is ghelijck ons’ God die daer
Zo hoogh woont, hy aensiet doch klaer,
Wat in Hemel is end Aerde.
Die den armen fijn wt stof oprecht,
End heft’en wt dreck tot eeren,
Om hem te stellen met Uorsten recht,
Mit zijns volcks Uorsten end Heeren.
Die de onuruchtbare te mael
Uan kinderen veel in’t ghetael,
Blij moeder heeft laten werden.
|
|