LXIIII, Psalmen end ander ghesangen, diemen in de Duytsche Ghemeynte te Londen was ghebruyckende
(1561)–Jan Utenhove–
Auteursrechtvrij
[pagina 33v]
| |
§ Hoe alle gheloouige den warchtigen God Israelis, in dit leuen alleen moeten betrouwen, vreesen ende prijsen, want hy alleen goet ende almachtich is, daer alle verzierde Goden krachteloos zijn.Op de Ouerlantsche wijse des selfden Psalms.
NIet ons niet ons O eewiger Heer, Ga naar voetnoot+
Maer dynen Name gheuet de eer,
Om dijn goetheyt end trouwe.
Waerom souden wy der Heyden spot
Zijn, dat sy segghen: waer is haer God?
D’welck ons met recht mach rouwen.
Want onse God in Hemel is.
Hy maket al wat hem ghelust,
Maer haer Goden ghemaket zijn, Ga naar voetnoot+
Wt gout end siluer door menschen hant,
Sy hebben mont ende spreken niet,
Sy hebben ooghen en gheyn ghesicht,
Alleluya, Loeft den Heere.
Sy hebben ooren end hooren niet,
Hebben oock neuse en gheenen roeck,
Niet een onder haer allen,
Sy hebben handen en grijpen niet,
Sy hebben voeten end gaen geen tridt,
Haer keel kan gheensins kallen,
Die sulcks maken zijn oock also, Ga naar voetnoot+
End die daerop verhopen oock,
Maer du Israel end Aaron,
End die den Heere vreeset vroom,
Hoept doch op den Heere mildt.
Want hy dijn hulp is end schilt,
Alleluya, Loeft den Heere.
| |
[pagina 34r]
| |
De Heer ghedenckt onser genadelick, Ga naar voetnoot+
End sal ons seghenen eewelick,
Met zijn heylighe gauen.
Hy sal seghenen t’huys Israel,
End t’huys Aarons oock euen wel,
So verre als sy gheloouen,
Hy sal oock seghenen alle die,
Die God den Heere vreesen hier,
Weder sy kleyn zijn ofte groot,
De Heer sal dy in dynen noot,
Ueel meer ander weldaden doen,
Tot dy ende dyne kinderen vroom,
Alleluya, Loeft den Heere.
Ghy zy’het die God gheseghenet hat,
Door welcken Hemel end Aerde staet,
End wat daer is beneuen.
Den Hemel behouden heeft onse God,
Uoor hem, end den menschen voor haer lot,
De Aerde heeft hy ghegheuen,
De doden sullen O Heer,
Gheen lofdanck gheuen nemmermeer,
Noch die die daer varen in de stil,
Hebben daer toe noch hert noch wil, Ga naar voetnoot+
Maer wy zijn Gode tot lof bereyt,
Uan nu aen tot in der eewicheyt,
Alleluya, Loeft den Heere.
|