LXIIII, Psalmen end ander ghesangen, diemen in de Duytsche Ghemeynte te Londen was ghebruyckende
(1561)–Jan Utenhove–
Auteursrechtvrij§ Hier wordt beschreuen het officie eener Christelicker ouerheydt, hoe dat sy haer seluen stellen sal, de boose verwerpende ende de goede aennemende. Waer in alle huysvaders een voorbeelt harer officie hebben, om haer so in haer huysghesin te draghen.Op de Franchoische wijse des vj. Psalms. Ne vueillez pas &c. | |
[pagina 30v]
| |
VAn goetheyt end gherichte, Ga naar voetnoot+
Is’t dat ick nu wil dichten,
Dy wil ick singhen Heer,
Wijselick wil ick leuen,
In oprechtighe weghen,
Tot dat du tot my keerst.
Met oprechten ghemoede,
Wil ick my voortaen hoeden,
Te mynen huyse eenpaer,
Uan t’boos wil ick my mijden,
Noch dat in ander lijden,
Want ick haet’t gantsch ende gaer.
Alle die van dy wijcken, Ga naar voetnoot+
Haet ick oock dergelijcken,
So dat niet een van haer,
By my sal moghen blijuen,
Die een boos ghemoet drijuen,
Die sullen oock van daer.
Ick sal oock niet bekennen,
Die haer tot schade wennen,
Die synen naesten vrij,
Met achterklap beschadicht,
Die wil ick onghenadich,
Uerwerpen verre van my.
Die met grootscheyt beuanghen,
End hoochmoet is behanghen,
Te lijden waer my pijn,
Mijn ooghe sal aenmercken,
Die door t’ghelooue wercken,
Op dat sy by my zijn.
Die haer onnoosel draghen, Ga naar voetnoot+
Welcke my wel behaghen,
Sullen mijn dienaers zijn,
Die omgaet met bedrieghen,
Met spotten end met lieghen,
Sal in mijn huys niet zijn.
| |
[pagina 31r]
| |
Maer de boosdoenders alle, Ga naar voetnoot+
Wil ick brenghen ten valle,
Ouer het gantsche lant:
Op dat de stadt des Heeren,
Reyn worde ende hem vermeere,
Gods woort aen allen kant.
|