LXIIII, Psalmen end ander ghesangen, diemen in de Duytsche Ghemeynte te Londen was ghebruyckende
(1561)–Jan Utenhove–
Auteursrechtvrij§ Een beklach der gheloouighen om de verstroyinghe der Ghemeynte, ende een aenroepinge der hulpe Gods tegen alle veruolghers.Op de Franchoische wijse des cxviij. Psalms, Rendez a Dieu &cet.
DE Heydens zijn O Heer gekomen,
In dijn erue end hebben besmet,
Dynen Tempel, end tot steynen hoopen,
Hebben Hierusalem verset,
Sy hebben dyner knechten lichamen, Ga naar voetnoot+
Den voghelen tot spijs ghestelt,
End t’vleesch dyner trouwer dienaren
Den dieren des velts voorghestelt.
Als water hebben sy vergoten,
| |
[pagina 18r]
| |
Haer bloet rontom Hierusalem.
Daer was oock (d’welck ons heeft verdroten)
Niemant diese heeft ten graef ghedaen,
Tot eenen spot zijn wy bedeghen,
Onse nabueren groot en kleyn,
Tot eenen laster wy daer leuen,
Den ghenen die omtrent ons zijn.
Hoe lang Heer sal dijn gramschap dueren, Ga naar voetnoot+
End als een vyer ontsteken zijn?
Wilt dyne toornicheyt doch stueren,
Ouer tvolck dat dy niet bekent,
End ouer rijcken die niet hebben,
Dynen Naem oyt gheroepen aen,
Want sy Iacob verslonden hebben,
End zijn woonst gaer te niet ghedaen,
Wilt nu voort aen niet meer gedincken, Ga naar voetnoot+
Ons ouder sonden schult end pijn:
Dijn ghenade haestelick laet blincken,
Ouer ons, want wy ellendich zijn,
Doet ons bystandt O God ghehuldich,
Alleyn om dijns Naems wil end eer,
Uerlost ons, weest goet end gheduldich,
Ons sonden om dijns Naems wil Heer,
Waerom souden de boose scharen, Ga naar voetnoot+
Segghen: waer is haer God? daerom
Wreeckt in ons ooghen, dyner dienaren,
Bloet t’onrechte ghestort alom,
Tot dijn aenschijn laet komen t’suchten,
Der gheuanghenen end laet fijn,
Door dijn kracht vrij leuen end vluchten,
Die tot der doot gheeyghent zijn.
Wilt onse nabueren verghelden,
In haren schoot Heer seuen fout,
Den laster daer met sy dy quelden,
| |
[pagina 18v]
| |
End schand diese dy aendeden stout,
End wy dijn volck by dy ghepresen,Ga naar voetnoot+
End het kudde dijnder weyden breyt,
Sullen dy dancken alle weghen,
Ende prijsen inder eewicheyt.
|