Psalmen Davidis

in Nederlandischer sangs-ryme

Forme den Eestandt, Echtstandt of huyvvelick voor der Ghemeynte te beuestene.

⁺ BY ons werden gheene in den heylighen Eestande of huywelicke tosamen ghesproken, dan die vorierst huerer ouderen, mumbars ende vooghden bewillighinge (so veel in hen is) verworuen, ende daeruan tuychenisse voor de dieners bringen: of, so sy onder gheene macht staen, die eerliken by wetenschap huerer vrienden, of onder tuychenisse godturuchtigher luyden, huer huywelick vorghenomen hebben: ende na dryen wtroepinghen (die drye sondaghen achter eenander gheschien) onbelettet gheuonden werden.

Dese huywelicksche wtroepinghe werdt aldus ghedaen.

⁺ N. ende N. begeeren sich ten hey-

+ Wie by der Duydscher Gemeynte in Eestande to samen ghesproken vverden.

+ Huyvvelicksche vvtroepinghe.

[fol. 52r]

lighen Estande te begeuene: derhaluen so daer iemandt iet teghen te segghen hebbe, of eenigge verhinderinge wete, dat sy huer vornemen niet salichliken noch stichtliken, souden achteruolgen mogen, Dat die sulckes ordentliken ende by tyde, an de Dieners bringe, ende swyge hernamaels. Darentusschen dat een ieder voor deselue personen bidde, So huere huywelick van den Heere bescheret is, dat sy edt salichlicken angaen, ende oock also voleinden mogen:

⁺ Na geschegen dryen vthroepingen wan dar geen wetlicke verhinderinge vernomen werdt, komen Bruydegum ende Bruydt mit aller tucht sonder enigh werldlike geprang of pumperie ten openbaren dienste der Gemeynte ende stellen sich na einde der predike voor die gantse Gemeinte: So spreckt dan de diener aldus to der gantser Gemeynte.

Gy wetet broeders, dat deser N. ende N. voorgenomen huywelick, to dryemale uwer L. vorgedragen sy mit verheische, So hier, iemandt enige verhindering wiste, dat die by tyden an-

+ Hoe ende vvanneer bruydegum ende bruydt voor de gemeynte erschynen

[fol. 52v]

brochte. Auer dewyle sulckes niet geschiet is: wy oock selues van gheener verhinderinge weten, so isset dat wy nu deselue personen, na hueren versoecke, opentliken in den heyligen Eestandt tosamen spreken sullen: mit vermaninge an uwer L. Gy willet hieruan kundtschap dragen, darouer tuygen syn, ende Godt voor se trauwliken bidden, dat huer tegenwordich vornemen hem angename, hen salich, ende der gemeinte ende allen menschen stichtich syn moge.