Psalmen Davidis
(1566)–Jan Utenhove–
Auteursrechtvrijin Nederlandischer sangs-ryme
[Folio 244r]
| |
 WY gheloouen in eenen God alleyn,
Schepper des hemels end der erden,
Onser aller vader ghemeyn,
Die ons laet syne kinders werden,
Hy wilt ons altyd gheneeren,
Lyf end siel’ oock wel bewaren,
All’ ongheual wilt hy weeren,
Gheen leyd
| |
[Folio 244v]
| |
 sal ons teghen varen,
Hy sorghet voor ons dagh end nacht,
Het staet alles in syner macht
Wy gheloouen in Christum alle ghelyck
Synen Sone end onsen Heere,
Erfachtigh in syns vaders ryck,
Ghelyck God van macht end eere
Wt Marien der maeghd sade
Ons een ware mensch gheboren,
Door Gods Gheest, wt louter gnade,
Uoor ons door de sond’ verloren
Aen t’cruyss ghestoruen, end gheleyt
In’t graf tot synes doods sekerheyt.
Ten derden dagh’ om onser gherechtigheyt
Uanden dooden is opghestanden,
Door s’ vaders kracht end heerlicheyt,
Lossend’ ons wt s’vyands banden.
| |
[Folio 245r]
| |
Is ten hemel op verheuen
Uander erd’ in’t openbare.
Sitt Gods rechter hand beneuen,
Uoor ons een recht middelare
Uan waer hy ten eynd’ komen sal
Richten leuend’ end dooden al.
Wy gheloouen in den heylighen Gheest,
God met den vader end den Sone,
Die ons troost end maeckt on beureest,
End verciert met gauen schoone.
Alle Christenheyt verheuen
Tot recht’ eenigheyt begheuen,
Welcker de sond’ werdt vergheuen.
Dat vleesch sal noch weder leuen,
Na desen iammer is bereydt
Ons een leuen in eewigheyt.
|
|