Psalmen Davidis

in Nederlandischer sangs-ryme

Laudate Dominum in sanctis. psalm,CL.

David vermaent alle te louen Godes Maiesteit wt vroliken herte in gheeste.

LOoft Godt in syn heylighdom met aen-

[fol. 240v]

dachten:
Looft hem in dat firmament syner krachten,
Louet hem vro, om syner sterckheyt will,
Oock luyd’ end still.

Looft hem om synr treflicker grootheyt wille,
Looft hem met basoenen gheklangk onstille,
Loft hem op der luyt’ end op die harp fyn,
Met blyden syn

Louet hem mit trommelen ende pypen,
Louet hem met snaren end orghelpypen,
Louet hem met cymbalen die daer fyn
Soetluydigh syn.

Louet hem met den klinghenden cymbalen,
Die daer tot vrueght verwecken inder qualen,
Alles wat daer leeft dat loue Godt seer,
Louet den Heer.

Ghebedt.

O eewige Godt, maeckt dat wy dyne maiesteyt ende hoogheyt also begrypen, dat wy meer end meer

[fol. 241r]

verweckt werden dy na dyner werde in allen dinghen te louen ende te prysen, ende dat door dynen Sone onsen Heere Iesum Christum, Amen.

Eynde der Psalmen.