Psalmen Davidis

in Nederlandischer sangs-ryme

Ecce quam bonum. Psal.cxxxiii.

Dauid bewyst mit tween ghelyckenissen, wat een duerbar, lieflick ende nutte dinck edt sy, godtlyke eenicheyt.

SIe hoe vroeylick end goed.
Inder vromen ghemoedt.
Is d’ eenigheyt der herten

[fol. 219v]

welcke te samen bindt,
De broeders end verwint
Door t’ghelou’ alle smerten.

Euen als d’ oly soet
Op t’hoofd ghegoten vloyt
In Aarons baerd beneden,
End in syn kleeders daelt,
Also dat nerghens faelt
De rueck in allen leden.

Als de dauw s’berghs Hermon
De berghen van Sion
Uruchtbaer maeckt end bedeghen:
So doet oock d’eenigheyt,
Welcks volghers is bereydt
Seghen end d’eewigh leuen.

Ghebedt.

§ O godt des vredes ende eendrachtigheyt, wil onse herten in sodane broderlicke eenigeyt bringen, dat wy door rechte religie ende als ledematen eenes hoofdes Iesu Christi te samen vereeniget, gheuoelen moghen de seghenen die du toegesecht hebst den ghenen die liefde tot malckanderen draghen door dynen Sone onsen Heere Ie-

[fol. 220r]

sum Christum Amen.