|
| |
Non nobis domine, non nobis. Psalm.cxv.
Hoe alle gheloouighen alleene den waren Godt Israels vertrauwen, en vreesen ende prysen moeten, de wyle hy allene goedt ende machtigh is, daer alle andere verdichtede goden krackteloos syn.
NIet ons, niet ons, o eewigher Heer,
Mer dynen name gheef doch die eer,
Om dyn goedtheyt end trauwen,
| |
| |
Syn dat sy segghen, Waer is haer Godt,
Welck ons met recht mach rauwen.
Want onse Godt in hemel is,
Hy maeckt al wat hy wilt ghewis,
Met huer goden, wt goude fyn
End siluer door menschen handt fyn,
Sy hebben mondt end spreken nicet,
| |
| |
ooghen, end gheen ghesicht,
Alleluya, looft den Heere.
Hebben ooren, end hooren niet, oock
Hebben nuesen, ende gheenen rueck,
Niet een onder hen allen.
Hebben handen, end grypen niet aen,
Hebben voeten, end gheenen tred gaen,
Huer kele kan niet kallen.
Diese maken syn oock also,
End die daerop hopen daertoe,
Mer du, o huys van Israel,
End huys Aarons, euen wel
Uerhoopt doch op den Heere mildt:
Wat hy is dyn recht’ hulp end schildt
Alleluya, looft den Heere.
§1 Godt ghedenckt onser genadelick,
End sal ons seghenen eewelick,
Hy sal seghnen t’huys van Israel,
End t’huys Aarons oock euen wel,
So verr’ als sy gheloouen,
| |
| |
Hy sal seghenen te ghelyck
Die den Heer vreesen deghelych,
T’sy dat sy kleyne syn of groot,
Die Heer sal v in uwe noodt
Ueel meer ander weldaden doen,
Tot v end uwen kinderen schoon,
Alleluya, looft den Heere.
Des Heeren segheningh v aenkleeft,
Die hemel end erd gheschapen heeft,
Den hemel voor hem houdt onse God,
Mer den menschen vry wt voor huer lot
Die erd’ heeft hy ghegeuen,
Die dooden sullen dy, o Heer,
Gheen lofdanck gheuen nimmermeer,
Noch die daer varen in de stil,
Hebben daertoe noch hert noch wil.
Mer wy syn Godt tot lof bereydt
Uan nu aen tot in eewigheyt,
Alleluya, looft den Heere.
| |
Ghebedt.
§ Hemelche ende almachtighe vader, nademale wy onse hope op dy gheset hebben, wil onse hulpe ende schilde syn, dat wy door dyne handt ghehandthauet, meer ende meer toeuersichtes ende vertrauwens to dy hebben, ende meer grouwels an alle afgoden, daer de ongheloouighen haer betrauwen op setten, hebben moghen. Amen.
|
|
Auteursrechtvrij