Psalmen Davidis

in Nederlandischer sangs-ryme

Fundamenta eius. Psal.lxxxvii.

De gherechtighe werden hier vermaent dat sy den moed niet verloren gheuen, hoe wel Godt so haest syn Ghemeynte niet opricht. Mit eener toesage, Godt werde dat so krachtelicken in handelen, dat de gantse wereldt oorsake hebben sal, sich dar ouer te verwonderen.

GOd om syn woonstede vaste te bauwen.
Heeft aen d’heylghe berghen begheer-

[fol. 144r]

te groot,
End heeft lieuer de poorten Sions bloot,
Dan all’ hutten Iacobs, hoe schoon t’anschauwen.

O stad Gods van dy werden schoone dinghen
Gheseyt. Want Egipten ende Babel
Sullen die eer’ hebben met Israel,
Dat sy hen met hem vrylick sullen minghen

Uanden Tyrers, Philistinen end Mooren
Salmen segghen, Sulck een is ghboren daer,
Ia men sal segghen, Des’ end die voorwaer
Is in Sion door Godes Gheest gheboren.

End de alder hooghste dies’ heeft wtuerkoren,
Salse beuesten end sal schryuen aen
Een ieghlick volck, end sal segghen voortaen,
Sulckerley volck is in Sion gheboren.

Dan sullen de sanghers den Heer singhen,
Ende de schalmeyes hem spelen fyn.
Oock in dy, segt God de Heere, sal syn

[fol. 144v]

 

Groot’ oueruloedigheyt van alle dinghen.

Ghebedt.

O Heere die du dyne Ghemeynte hier op erden ghebauwt hebst, waer in du een behaghen hebst: doe ons dese ghenade, dat wy darinne eenmael in ghebracht ende angheschreuen, daerinne volherden, tot dat het dy ghelieuen sal ons te roepen tot den hemelschen Ierusalem daer bouen in hemel door dynen Sone Iesum Christum. Amen.