Psalmen Davidis

in Nederlandischer sangs-ryme

Dominus regit me. Psal.xxiii.

Hier werdt beschreuen, hoe gelucksaem ende gerust in allen dinghen een gheloouigh mensche sy, die op des Heeren goedicheyt rustet. Wandt hy voedt, regiert, troost ende beschermt de synen, als een herde syne schapen.

MYn Heer voedt my in oueruloedt,
My kan gaer niets ghebrecken,
In’t groen gras

[fol. 35v]

hy my weyden doet,
Leydt my an waterbeken.
Myn siel haer kracht,
Door syne macht
Heeft hy weder ghegheuen.
End leydt my stil,
Om syns naems wil,
Ouer d’oprechte weghen.

Als waert schoon dat ick moeste gaen,
In’t dal des doodschen schaduw,
So kond’ ick niet vreesen daeraen.
Want stadigh my bystaestu.
Dyn roede straf,
End dyne staf,
Han my troostlick bewoghen,
End mynen disch,
Uercierstu frisch
In mynr vianden ooghen

[fol. 36r]

 

Du salfst met oly mynen kop,

 

Dien du seer klaer doost blinken,

 

End mynen beker totten t’sop

 

Wiltu daer toe vol schincken

 

Dese goedheyt

 

In eewigheyt

 

Sal my huer ghselschap gonnen,

 

So dat ick sal

 

Sonder afual,

 

In’t huys des Heeren wonen.

Ghebedt.

Hemelsche vader, oorsprongk aller ghelucksaligheyt wy dancken dy, dat du dy bewesen hebst onse Heerder end beschermer te syne, ende hebst ons verlosset vander macht alle onser vyanden. Gheef ons dat wy mit verwerpen aller vreese end schroomen des doodes nauolghen ende belyden dyne waerheyt, die du ons genadelicken gheopenbaert hebst door onsen Heere ende eenighen meester Iesum Christum. Amen.