Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xv.

1

ENd ick zagh eęn ander teęken in dem hemel, groot end wonderbaer [naemlick] zeuen Enghels die dar hadden de leste zeuen plaghen: want mit den zeluen is vollendt de verbolghenheyt Godes.

2

End ick zagh als ^* eęn glazene zeę mit vuer ghemengt, end die dar ouerwinning behaalt hadden an dem ghedierte end an zynem beelde, ⁺ end an zynem mærckteęken, end an zijns naems ghetalle, dat zy stonden an der ghlazener zeę, end hadden Godes harpen.

* Apoc.4.b.6

+ B

3

End zy zonghen het ghezang Mosi des dienstknechts Godes, end het ghezang des Lamms, end zeyden: Groot end wonderbaer zijn dyne wercken, Heęr die du bist de almachtighe God, ^* gherechtigh end waerachtigh zijn dyne weghen [die du bist] de kœningk der Heylighen.

* Psa.145.d.17

4

^* Wie zolde dy niet vreęzen, Heęr, end

* Ierem.10.a.7

[p. 429v]

dynen naem prijzen? Want du bist alleęn heyligh: want alle Heydens zullen kommen end anbidden voor dy: want dyne gherichten zijn openbaer gheworden.

5

End daerna zagh ick, end zie doe ward opghedaen de tempel der Hutten des tuyghniß in dem hemel,

6

End wt dem tempel ghinghen zeuen Enghels die de zeuen plaghen hadden, bekleędt mit reynem end blinckendem lijnwaad, end omgordt rondomm de borsten mit guldenen gordelen.

7

End eęn der vier dieren gaf den zeuen Enghelen zeuen guldene nappen, voll verbolghenheyt Godes, die dar leeft van eęwigheyden tot eęwigheyden.

8

^* End de tempel ward voll roocks van der heęrlicheyt Godes end van zyner kracht: end niemand konde in den tempel gaen, tot dat de zeuen plaghen der zeuen Enghelen vollendt wurden.

* Eze.44.a.4