Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.xj.

1

⁺ ENd my ward eęn riethalmm ghegheuen eęner rouden ghelijck, end my ward ghezegt: Sta op, end meet den tempel Godes, end den altaer, end die daerin anbidden.

+ Ezec.44.a.5 end 41. 42. 43

2

End den ⁺ binnenzaal des tempels wærp hénwt, end meet en niet: want hy is den Heydenen ghegheuen: end de heylighe Stad zullen zy betreden tweę

+ anders buytenzaal

[p. 424r]

end viertigh maanden.

3

End ick zal mynen tweęen tuyghen gheuen, end zy zullen propheteren duyzend tweę honderd end zestigh daghen, anghedaen mit zacken.

4

^* Deze zijn tweę olijfboomen, end tweę luchters die dar staen voor dem Gode der ærden.

* Zach.4.a.2 b.3

5

End zo ze iemand wil beschadighen, zo gaet dar vuer wt hœrem monde, end verteert hœre vianden: end zo ze iemand wil beschadighen, die moet alzo gedoodt werden.

6

Deze hebben macht den hemel te sluyten, dat dar gheęn reghen reghene in den daghen hœrer prophecyen: end hebben macht ouer de waters, ze te verkeęren in bloed, ⁺ end te slaen de ærde mit allerley plaghe zo menighmael als zy willen.

+ B

7

^* End wanneęr zy hœr tuyghniß vollendt zullen hebben, zo zal het ghedierte dat wt dem afgrond opklimmt, mit hen eęnen strijd voeren, end zal ze ouerwinnen, end zal ze dooden.

* Dani.7.f.21 Apoc.13.b.7

8

End hœre lichamen zullen ligghen op der straten der grooter Stad, die dar heett gheęstlick, Sodoma end Egyptus daer oock onze Heęr ghecruycight is.

9

End hœre lichamen zullen zommighe van den volcken, end gheslæchten, end tonghen, end Heydenen dry daghen end eęnen haluen zien, end zullen hœre lichamen niet laten in grafsteęnen legghen.

[p. 424v]

10

End die op ærden wonen, zullen zick verurœghen ouer hen end verblijden, end malckanderen gauen zenden: want deze tweę Propheten pijnighden die, die op ærden wonen.

11

⁺End na dryen daghen end eęnen haluen voer eęn gheęst des leuens van Gode in ze, end zy traden op hœre voeten, end groote vreęze viel op die, die ze anschauwden.

+ C

12

End zy hoorden eęn groote stemm van dem hemel tot hen zegghen: Klimmet hærop. End zy klommen hénop in den hemel in eęner wolcke, end hœre vianden anschauwden ze.

13

End ter zeluer vren ward dar eęn groote ærdbeuing, end het tiende deęl der Stad viel: end dar wurden ghedoodt in der ærdbeuinghe zeuen duyzend namen der menschen: end de anderen verschrickten zick, end gauen prijß dem Gode des hemels.

14

Het tweęde weę is hénwegh, zie, het derde weę zal haestlick kommen.

15

End de zeuende Enghel bazounde, end dar wurden groote stemmen in dem hemel die zeyden: De kœningkrijcken dezer wæreld zijn onzes Heęren, end zijns Ghezalfden gheworden, ⁺ end hy zal regneren van eęwigheyden tot eęwigheyden.

+ D

16

End de vier end twintigh Olderlinghen die voor Gode op hœren throonen zaten, vielen op hœre anghezichten, end baden God an,

[p. 425r]

17

End zeyden: Wy dancken dy, Heęr die du bist de almachtighe God, die dar is, end die dar was, end die dar toekomstigh is: dat du hebst anghenomen dijn groote kracht, end hebst de regnering bekommen.

18

End de Heydens zijn toornigh gheworden, end dijn toorn is kommen, end de tijd der dooden te richten, end te gheuen den loon dynen dienstknechten den Propheten end den Heylighen, end den, die dynen naem vreęzen, den kleynen end den grooten: end te verdæruen die de ærde verdæruen.

19

End de tempel Godes ward opghedaen in dem hemel, end de Arcke zijns Uerbonds ward in zynem tempel ghezien: end dar gheschiedden blixemen, end stemmen, end donderslaghen, end ærdbeuinghen, end groote haghel