Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

[p. 413v]

1

DEm Enghel der Ghemeynte te Epheso schrijf: Dit zegt die dar holdt de zeuen sterren in zyner rechter hand, die dar wandelt midden onder den zeuen guldenen luchteren:

2

Ick weet dyne wercken, end dynen arbeyd, end dijn gheduld, end dat du de boozen niet verdraghen kannst, end hebst verzocht die, die dar zegghen, zy zijn Apostels, end zijn’t niet:

3

End du hebst ze lœghenaers beuonden, end du hebst verdraghen, end hebst gheduld, end du hebst ghearbeydt om mijns naem willen, end bist niet ghezweken:

4

Auer ick heb teghen dy, dat du dijn eęrste liefde verlaten hebst.

5

⁺Daerom ghedenck waer van du gheuallen bist, end doe ghemoedbetering, end doe de eęrste wercken: of anders, zo zal ick dy kommen haestlick, end zal dynen luchter beweghen van zyner plaetsen, ten zy dat du ghemoedbetering doest.

+ B

6

Auer dit hebst du, dat du de wercken der ^* Nicolaiten hatest, welcke ick oock hate.

* Act.6.b.5

7

Wie ooren heeft, die hoore wat de Gheęst den Ghemeynten zegt: Wie ouerwinnt, dem zal ick te eten gheuen van ^* dem holte des leuens, dat dar is midden in dem Paradijze Godes.

* Genes.2.b.9

8

End dem Enghel der Ghemeynte te Smyrnen schrijf: Dit zegt ^* de eęrste end de leste, die dood was, end is leuendigh gheworden:

* Esa.41.a.4 end .44.a.6 Apoc.1.d.17

9

⁺Ick weet dyne wercken, end ver-

+ C

[p. 414r]

drucking, end armoede (du bist auer rijck:) end de lastering van den, die dar zegghen, zy zijn Iœden, end zijn’t niet, mer zijn des Satans Synagoogh.

10

Entzie dy voor der gheęn, dat du lijden zalt: (zie de duuel zal zommighe van v in gheuangniß wærpen, op dat ghy verzocht werdet: end ghy zullet verdrucking hebben tien daghen.) Zy ghetrauw tot in den dood end ick zal dy de kroon des leuens gheuen.

11

^* Wie ooren heeft, die hoore wat de Gheęst den Ghemeynten zegt: Wie ouerwinnt die zal geęnßinns beschadight werden van dem tweęden dood.

* Mat.13.a.9

12

End dem Enghel der Ghemeynte te Pergamo schrijf: Dit zegt die dar heeft ^* het schærp tweęsnijdigh zwærd:

* Apoc.1.d.16 end .2.d.16

13

Ick weet dyne wercken, end waer du woonst, daer des Satans throon is, end holdest mynen naem, ⁺ end hebst mijn ghelooue niet verloochent, ia oock in den daghen in welcken Antipas mijn trauw tuygh [was], welcker by v ghedoodt is, daer de Satan woont.

+ D

14

Auer ick heb eęn weynigh teghen dy: dat du aldaer hebst die de leęre ^* Balaam holden, welcker leęrde ⁺ Balac eęn ærgherniß anrichten voor den kinderen Israels, dat zy afgodsoffers eten, end hoerery drijuen zolden.

* Nu.24.c.14 end .15.a.1

+ Gr. in Balac

15

Alzo hebst oock du, die de leęre der Nicolaiten holden, welck ick hate.

16

Doe ghemoedbetering: of anders, zo zal ick dy haestlick kommen, end krijghen mit hen door ^* het zwærd mijns monds.

* Esa.49.a.2 Ephes.6.c.17 Heb.4.c.12 Apoc.1.d.16

[p. 414v]

17

⁺Wie ooren heeft, die hoore wat de Gheęst den Ghemeynten zegt: Wie ouerwinnt, dem zal ick te eten gheuen van dem verborghenen manna, end zal hem gheuen eęnem witten kœrsteęn, end op dem kœrsteęn, eęnen nieuwen naem gheschreuen, welcken niemand kennt dan die en entfangt.

+ E

18

End dem Enghel der Ghemeynte te Thyatira schrijf: Dit zegt de Zoon Godes, ^* die zyne ooghen heeft als eęn vuervlamm, end zyne voeten ghelijck als fijn metal:

* Apoc.1.c.14

19

Ick weet dyne wercken, end liefde, end dienst, end ghelooue, end dijn gheduld, end dyne wercken, end de leste meęr dan de eęrste:

20

⁺Auer ick heb eęn weynigh teghen dy: dat du dem wijue ^* Iezabel, die dar zegt, zy zy eęn prophetersse, ghestadighest te leęren, end te veruoeren myne dienstknechten, te hoereren, end afgodsoffers te eten.

+ F

* 1.Reg.16.g.31 2.Reg.9.b.7.

21

End ick heb hœr tijd ghegheuen dat zy zolde ghemoedbetering doen van hœrer hoerery, end zy heeft gheęn ghemoedbetering ghedaen.

22

Zie, ick wærp ze op eęn bedde, end die mit hœr echtbreken, in groote verdrucking, ten zy dat zy ghemoedbetering doen van hœren wercken:

23

End hœre kinders zal ick mit dem dood ommbringhen, end alle Ghemeynten zullen bekennen ^* dat ick bin die de nieren end de herten onderzouckt: ^‡ end zal eęnem ieghelicken van v gheuen na uwen wercken.

* 1.Sa.16.b.7 1.Par.28.b.9 end .29.d.17 Psal.7.c.10 Iere.11.d.20 Act.1.d.24

‡ Psal.62.d.13 Iere.17.b.10 end .32.c.19 Matt.16.d.27 Rom.2.a.6 end .14.c.12 2.Cor.5.b.10. Gal.6.a.5 Apoc.20.d.12

[p. 415r]

24

⁺U auer zeg ick, end den anderen die te Thyatira zijn, zo vele als zulcke leęre niet hebben, end die niet bekennt hebben de diepten des Satans, als zy zegghen, ick zal gheęn ander last op v wærpen:

+ G

25

Doch wat ghy hebbet, dat beholdet tot dat ick komme.

26

End wie ouerwinnt end bewaert myne wercken tot op het ende, ^* dem zal ick macht gheuen ouer de Heydens.

* Psal.2.c.9

27

End hy zal ze weyden mit eęner ijzeren roude, [end] als ærdene vaten zullen zy ghebrijzelt werden:

28

Ghelijckerwijß oock ick van mynem Uader entfanghen heb, end ick zal hem gheuen de morghensterr.

29

Wie ooren heeft, die hoore wat de Gheęst den Ghemeynten zegt.