Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 412r]

De ^* openbaring Iohannis des God’reders.

* Gr. ontdecking.

Cap.1.

1

EEn ⁺ openbaring Iesu Christi, die hem God ghegheuen heeft zynen dienstknechten te vertoonen wat in kort gheschiehen moet: end heeft zynen Enghel wtgheschickt, end heeft het te kennen ghegheuen zynem dienstknechte Ioanni:

+ Gr. ontdecking.

2

Welcker betuyght heeft het word Godes end het tuyghniß van Iesu Christo, end alles wat hy ghzien heeft.

3

^* Gheluckzaligh is die dar leeßt, end die dar hooren de worden der Prophecyen, end bewaren wat daerin gheschreuen is: want de tijd is naby.

* Apoc.22.b.7

4

Ioannes den zeuen Ghemeynten die in Asia zijn, Ghenade zy v end vrede van dem ^* die dar is, end die dar was, end die dar toekomstigh is, end van den zeuen Gheęsten die dar zijn voor zynem throon,

* Exod.3.d.14

5

End van Iesu Christo, welcker is eęn gheloofßaem tuygh, ^* de eęrstgheborene van den dooden, end de Uorst der kœninghen der ærden: dem die ons

* 1.Cor.15.c.20 Colos.1.c.18

[p. 412v]

lief ghehadt heeft, end ons ghewasschen van den zonden ^* in zynem bloede,

* Act.20.f.28 Hebr.9.d.12.14 1.Petr.1.d.19 Apoc.5.c.9

6

End heeft ons ^‡ tot Kœninghen end ^* Priesteren ghemaeckt Gode end zynem Uader: dem zeluen zy de heęrlicheyt end het gheweld van eęwigheyden tot eęwigheyden. Amen.

‡ 1.Petr.2.b.9 Apoc.5.c.10

* .1.Pet.2.a.5 Rom.12.a.1 Hebr.12.g.28

7

^‡ Zie, hy komt mit den wolcken, end hem zullen zien alle ooghen, ^* oock die en ghesteken hebben: end ouer hem zullen zick beklaghen alle gheslæchten der ærden: Ia, Amen

‡ Esa.3.c.14 Dani.7.d.10 Mat.24.c.30 Act.1.b.11 1.Thes.1.d.10 2.Thes.1.c.10 Iude.c.14

* Zac.12.c.10 Ioan.19.g.37

8

^‡ Ick bin het A end het O, beghinn end ende, zegt de Heęr, die dar is, end die dar was, end die dar toekomstigh is, de Almachtighe.

‡ Esa.41.a.4 end .44.a.6 Apoc.21.b.6 end .22.c.13

9

Ick Ioannes uwe broeder end medeghenoot in der verdruckinghe, end in dem kœningrijcke, end in der gheduld Iesu Christi, was in dem eylande gheheeten Patmos, om des words Godes end der tuyghniß Iesu Christi willen:

10

Ick was im gheęst op des Heęren dagh, end hoorde achter my eęn groote stemm als eęner bazounen,

11

⁺Die dar zeyde: Ick bin het A end het O, de eęrste end de leste: end, wat du ziest, dat schrijf in eęn bouck, end zend het tot den [zeuen] Ghemeynten die in Asia zijn: na Epheso, end na Smyrne, end na Pergamo, end na Thyatira, end na Sardis, end na Philadelphia, end na Laodicea.

+ C

12

End ick wand my omm, te zien na der stemme die mit my sprack: end als ick my ommwand, zagh ick zeuen guldene luchters,

[p. 413r]

13

End midden onder den zeuen luchteren eęnen, die eęnes menschen zone ghelijck was, bekleędt mit eęnem langstreckighen kleęde, end ommgordt omm de borsten mit eęnem guldenen gordel:

14

Zijn hoofd auer end zijn haar was witt, als witte woll, [end] als sneę: ^* end zyne ooghen als eęn vuervlamm:

* Apoc.19.c.12

15

⁺End zyne voeten ghelijck als fijn metal, end gloeyeden als in eęnem ouen: end zijn stemm als eęn stemm veler wateren:

+ D

16

End hy had zeuen sterren in zyner rechter hand, end wt zynem monde ghingk ^* eęn schærp tweęsnijdigh zwærd: end zijn anghezicht [blinckte], ghelijck de zonn in hœrer kracht schijnt.

* Esa.49.a.2 Ephe.6.c.17 Hebr.4.c.12 Apoc.2.d.16 end .19.c.15

17

End als ick en zagh, viel ick an zynen voeten als eęn doode: end hy leyde zijn rechte hand op my, end zeyde tot my: Ureęß niet, ^‡ ick bin de eęrste end de leste,

‡ Esa.41.a.4 end .44.a.6

18

^* End de leuendigde: end heb dood gheweeßt, end zie, ick bin leuendigh van eęwigheyden tot eęwigheyden: Amen. ^* End ick heb de slœtels der hellen end des doods.

* Rom.6.b.9

* Iob.12.c.14 Esa.22.f.22 Apoc.3.b.7

19

Schrijf wat du ghezien hebst, end wat dar is, end wat hierna gheschiehen zal.

20

De verborghenheyt der zeuen sterren die du ghezien hebst in myner rechter hand, end der zeuen guldenen luchteren. De zeuen sterren, zijn ^* Enghels der zeuen Ghemeynten: end de zeuen luchters die du ghezien hebst, zijn zeuen Ghemeynten.

* Malach.2.b.7