Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 410r]

De alghemeyne zendbrief Iude.

[p. 410v]

1

IUdas eęn dienstknecht Iesu Christi, auer eęn broeder Iacobi, den gheropenen, die dar gheheylight zijn in Gode dem Uader, end bewaert in Iesu Christo:

2

Barmhertigheyt end vrede end liefde zy v vermenighfuldight.

3

Ghy gheliefden, na dem ick alle vlijtigheyt anlegge an v te schrijuen van der ghemeyner zaligheyt, zo heeft het my noodigh gheweeßt v te schrijuen, end v te vermanen, dat ghy ouer dem ghelooue kampet, dat den Heylighen eęnmael ouerghegheuen is.

4

^* Want dar zijn zommighe Godlooze menschen beneuen ingheslopen, welcke voortijden angheschreuen zijn tot zulckem gherichte, die de ghenade onzes Godes tot ⁺ wulpscheyt verkeęren, end verloochenen God die alleęn eęn heęrscher is, end onzen Heęre Iesum Christum.

* 2.Pet.2.a.1

+ of. gheylheyt

5

Ick wil v auer indachtigh maken, die ghy dit eęnmael wetet, ^* dat de Heęr doe hy het Uolck wt dem lande Egypti beholden wtuoerde, namaels ommbracht die niet gheloofden:

* Nu.14.f.37 Psal.106.d.25 Sap.1.c.11 1.Cor.10.b.10 Hebre.3.d.17

6

^‡ Oock de enghels die hœren oorsprongk niet behielden, mer verlieten hœre behuyzing, heeft hy verwaert ^* tot eęnem gherichte des grooten daghs mit eęwighen banden onder der duysternisse: ⁺

‡ 2.Pet.2.a.4

* 2.Thes.1.b.5

+ B

7

^‡ Als oock Sodoma end Gomorrha, end hœre omligghende steden, die op ghelijcke wijze mit hen ghehoereert hebben, end na eęnem ⁺ anderen vleęsche hén-

‡ Ge.19.e.24 Deut.29.d.23 Esa.13.d.19 Iere.50.f.40 ezech.16.f.49 Osee.11.c.8 Amos.4.d.11 Luc.17.f.29 2.Pet.2.a.6

+ of. vrémden

[p. 411r]

ghegaen zijn, tot eęnem exempel voorghestelt zijn, als die dar draghen des eęwighen vuers gherichte.

8

Deßghelijcken auer beulecken oock deze droomzuchtighen [hœr] vleęsch, verachten auer de heęrschappy, end lasteren de Heęrlicheyden.

9

^* Michael auer de Ouerenghel doe hy mit dem duuel twistighde, end onderreedde ouer dem lichame Mosis, dorste hy hem gheęn gherichte der lastering oplegghen, mer zeyde: ^* De Heęr straffe dy.

* Eccli.21.d.16

* Zach.3.a.2

10

^‡ Deze auer alles wat zy niet weten, lasteren zy, alles auer wat zy natuerlick weten, als onredelicke dieren, daerin verdæruen zy zick.

‡ 2.Pet.2.c.12

11

Weę hen: want zy zijn den wegh ^* Cain inghetreden, ^‡ end zijn wtghestortt door ⁺ de veruoering des loons Balaam, end zijn ommkommen in ^‡ dem wederspreck Core.

* Gene.4.b.8 1.Ioan.3.b.12

‡ Nu.22.d.21 2.Pet.2.c.15

+ Of. den veruoerischen loon

‡ Num.16.a.1

12

Deze zijn in uwen ⁺ lieflickheyden, [end zijn] vlecken, brassen wel, end weyden zick zeluen zonder vreęze: ^* zijn waterlooze wolcken, van den winden ommghedreuen: ⁺ hærftsche vruchtlooze boomen, tweęmael verstoruen, end wtgheroeyt:

+ anders. maeltijden,

* 2.pet.2.d.17

+ C

13

Wilde wallen der zeę, die hœre eyghene schandlickheyden wtschuymen: dwalende sterren, welcken verwaert is de donckerheyt der duysterniß in eęwigheyt.

14

Uan zulcken auer heeft oock te voren ghepropheteert Enoch de zeuende van Adam, end ghezegt: ^* Zie, de Heęr is kommen mit zynen Heylighen tienduyzenden,

* Dan.7.d.10 Act.1.b.11 1.Thes.1.d.10 2.Thes.1.c.10 Apoc.1.b.7

[p. 411v]

15

Gherichte te holden ouer alle, end te straffen alle die onder hen Godlooß zijn, om alle wercken hœrer Godlooßheyt, waermede zy Godlooß gheweeßt zijn: end om alle harde [worden] die de Godlooze zondaers teghen hem ghesproken hebben.

16

Deze zijn murrers, klaeghachtigh, die na hœren eyghenen lusten wandelen, end ^* hœre mond spreeckt prachtighe worden, end holden in verwonderinghe het wterlick anzien om des nuts willen.

* Psal 17.c.10

17

Ghy auer gheliefden, ghedencket der worden die te voren ghezegt zijn van den Apostelen onzes Heęren Iesu Christi,

18

Dat zy v ghezegt hebben, ^* dat dar in der lesten tijd zullen bespotters zijn, die na hœren eyghenen Godloozen lusten wandelen zullen.

* 1.Tim.4.a.1 2.Tim.3.a.1 2.Petr.3.a.3

19

⁺Deze zijn die dar afscheydinghen maken, zinnlicke, end die den Gheęst niet hebben.

+ D

20

Ghy auer, gheliefden, bauwet v zeluen op uwe allerheylighste ghelooue, mit bidden in dem heylighen Gheęst:

21

Bewaret v zeluen in der liefde Godes end wachtet op de barmhertigheit onzes Heęren Iesu Christi ten eęwighen leuen.

22

End dezer erbarmet v mit onderscheyd:

23

De anderen auer maket zaligh mit vreęze, end rucket ze wt dem vuere: end hatet den rock die van dem vleęsche beuleckt is.

24

Dem auer die ⁺ ze kan bewaren onan-

+ anders. v.

[p. 412r]

stootigh, end stellen voor zijn heęrlicheyt onstraflick mit vrœghden,

25

Gode onzem Zalighmaker die alleęn wijß is, zy heęrlicheyt end Maiesteyt, gheweld end moghentheyt, oock nu end tot allen eęwigheyden. Amen.