Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.ij.

1

DAr waren auer oock valsche Propheten onder dem volcke, ^* ghelijck oock onder v zijn zullen valsche leęrmeęsters, die dar bedecktelick inuoeren zullen verdærflicke secten, end verloochenen des Heęren die ze ghekocht heeft, end ouer zick zeluen bringhen eęn snelle verdærfniß.

* Act.20.f.29 1.Tim.4.a.1

2

End vele zullen nauolghen hœren verdærflickheyden: door welcke zal de wegh der waerheyt ghelastert werden,

3

End door ghierigheyt mit verdichtden worden zullen zy an v koophandel drijuen: ouer welcke het gherichte van langhen tijden hær niet vertouft, end hœr verdærfniß sluymert niet.

4

Want zo God ^* der enghelen die dar ghezondight hadden, niet verschoont heeft, mer heeft ze mit ketenen der duysterheyt ter hellen ghestooten, end ouerghegheuen dat zy ten gherichte bewaert werden:

* Iob.4.d.18 Iude.a.6 Apoc.20.a.2

5

End heeft niet verschoont der vorigher wæreld, mer bewaerde ^* Noe den prediker der gherechtigheyt ⁺ zijn achtster, end bracht den zonduloed ouer de wæreld der Godloozen:

* Genes.7.a.1

+ den achtsten

6

End heeft ^* de steden Sodoma

* Gen.19.e.24 Deu.29.d.23 Esa.13.d.19 Iere.50.f.40 Eze.16.f.49 Osee.11.c.8 Amos 4.d.11 Luc.17.f.29 Iude.b.7

[p. 400v]

end Gomorrha tot asschen ghemaeckt, ommghekeęrt end verdommt, ⁺ daermede eęn exempel ghezett den, die namaels Godlooßlick handelen zolden:

+ B

7

^‡ End heeft verlost den gherechtighen Lot, die dar ouerlastight ward van dem wandel der, die door wulpscheyt ontuchtigh waren:

‡ Gen.19.c.16 Sap.6.a.6

8

Want dewijl hy mit ghezichte end ghehoor gherechtigh was, end onder hen woonde, ^{+ *} quelde hy zijn rechtuærdighe ziel van daghe te daghe mit [hœren] Wetbrekischen wercken.

+ Of. quelden zy.

* Psa.119.158

9

^‡ De Heęr weet de Godßalighen wt der verzouckinghe te verlossen, de ongherechtighen auer te bewaren ten daghe des gherichtes te pijnighen:

‡ 1.Cor.10.c.13

10

Allermeęst auer die, die dar wandelen na dem vleęsche in beuleckter luste, end heęrschappy verachten, stolt, eyghenzinnigh, end die zick niet entzien de Heęrlicheyden te lasteren:

11

Zo doch de Enghels die in stærckheyt end moghentheyt meęrder zijn, gheęn lasterlick gherichte voeren teghen de zelue voor dem Heęre.

12

⁺Auer deze ^* als onredelicke dieren, die van natuere daertoe gheboren zijn dat zy gheuanghen end verdoruen werden, ^* dewijl zy lasteren daer zy niet van verstaen, zullen in hœrer eyghener verdærflickheyt ommkommen end eęnen loon [hœrer] ongherechtigheyt behalen:

+ C

* Ierem.12.a.3

* Iude.b.10

13

Zy achten vœr wellust, daghlicksche weelde, zy zijn onreynigheyden end schand-

[p. 401r]

ulecken, hebben weelde in hœren veruoeringhen, holden brassery mit v,

14

Hebben de ooghen voll echtbrekery, end konnen niet opholden van zonde, verlocken de onstanduastighe zielen, hebben eęn doordreuen hert mit afdringhinghen, zijn kinders des vloucks:

15

Welcke hebben verlaten den rechten wegh, end zijn afghedwaelt ^* end hebben nagheuolght den wegh Balaam des zoons Bosor, welcker ongherechtighen loon lief ghehadt heeft,

* Nu.22.d.21 Iude.b.11

16

Had auer eęn straff zyner eyghener Wetuertreding: eęn stomm onderiockigh dier sprack mit menschlicker stemmen, end weerde des Propheten ontzinnigheyt.

17

^+* Deze zijn waterlooze springbornen, end wolcken vam stormmwinde ghedreuen, welcken bewaert is de donckere duysterniß in eęwigheyt.

+ D

* Iude.b.12

18

Want zy gheuen voor hooghprachtighe end ijdele worden, end verlocken door vleęschlicke lusten [⁺ end] wulpscheyden de ghene die recht entulohen waren die, die in dwalinghe wandelen,

+ Of, tot

19

End zegghen hen vrijheyt toe, daer zy doch zelue dienstknechten der verdærflickheyt zijn. ^* Want van welckem iemand ouerwonnen is, dezes dienstknecht is hy oock gheworden.

* Ioan.8.d.34 Rom.6.d.20

20

^* Want zo zy entulohen zijn den beuleckinghen der wæreld, door kenniß des Heęren end Zalighmakers Iesu Christi, werden auer wederom in de zel-

* Mat.12.d.45 Hebr.6.a.5 end .10.e.26

[p. 401v]

ue verwærret end ouerwonnen, zo is mit hen het leste ærgher gheworden dan het eęrste.

21

Want het ware hen beter dat zy den wegh der gherechtigheyt niet bekennt hadden, dan dat zy en kennen end zick afwenden van dem heylighen ghebode dat hen ouerghegheuen was.

22

Hen auer is wederuaren dat ware spreeckword: ^* Eęn hond heeft zick ghekeęrt tot zynem eyghenen wtspuywsel: end, ^* Eęn ghewasschen zogh [heeft zick ghekeęrt] tot eęnem slijckighen wentelgracht.

* Pro.26.b.11

* eccl.34.d.26