Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iij.

1

DIt is de ander brief, den ick v nu schrijue ghy gheliefden, in welcken [beyden] ick verwecke door indachtigmaking uwe louter ghemoed,

2

Dat ghy ghedachtigh zijt der worden die te voren ghesproken zijn van den heylighen Propheten, end onzes ghebods, die wy zijn Apostels des Heęren end Zalighmakers:

3

^* End wetet dit eęrstlick dat in den lesten daghen kommen zullen verspotters, die na hœren eyghenen lusten wandelen,

* 1.Tim.4.a.1 2.Tim.3.a.1 Iude.c.18

4

End zegghen: Waer is de toezegghing zyner toekomst? want na dem de Uaders entslapen zijn, volblijft alle dingk als het van beghinne der schepping gheweeßt is.

5

⁺Want willens weten zy dit niet dat dar hemels in voortijden waren, end

+ B

[p. 402r]

^* eęn ærdrijck, dat dar wt water end im water bestond, door Godes word:

* Genes.1.a.9

6

^* Door welcke de wæreld die doe ter tijd was, mit dem zonduloed ouerwatert ward end verghingk:

* Genes.7.d.21

7

^* De hemels auer die nu zijn end het ærdrijck zijn door des zeluen word opghelegt, ^‡ end werden verwaert tot eęnem vuere am daghe des gherichtes end verdærfniß der Godloozen menschen.

* Psa.102.d.27 Esa.40.b.8 end .51.b.6 Hebr.1.c.11 2.Petr.3 c.10

‡ 2.thes.1.c.8

8

Dit eęnighe auer zy v onuerborghen, ghy gheliefden, [naemlick] dat eęn dagh voor dem Heęre, is als duyzend iaren, ^* end duyzend iaren als eęn dagh.

* Psa.90.a.4 Eccl.18.a.7

9

De Heęr vertreckt de toezegghing niet, ghelijck het zommighe vœr eęn vertreck achten: ^* mer is langmoedigh op ons, ^‡ end wil niet dat iemand verga, mer dat alle ter ghemoedbeteringhe veruaatt werden.

* Esa.30.c.15 Rom.2.a.4

‡ ezec.18.e.22 1.Tim.2.b.4

10

^+* De dagh auer des Heęren zal kommen als eęn dief in der nacht, ^‡ in welckem de hemels voorby gaen zullen mit grootem gheschalle, de elementen auer zullen van hitte smelten: end het ærdrijck end alle wercken die daerin zijn, zullen verbranden.

+ C

* Matt.24.d 44 1.The.5.a.2 Apoc.3.a.3 end .16.c.15

‡ 2.Pet.3.b.7

11

Zo nu dit alles zal ⁺ vergaen, welckerley moetet dan ghy zijn mit heylighem wandel end Godßaligheyt,

+ Gr. ontbonden werden

12

In dem verwachten end spoedighen tot der toekomst des daghs Godes, ^* in welckem de hemels vam vuere vergaen zullen, end de elementen van hitte ghesmolten werden?

* Eccli.16.c.18

13

^* Wy verwachten auer nieuwer he-

* Esa 65.17 end .66.g.22 Apoc.21.a.1

[p. 402v]

melen end eęnes nieuwen ærdrijcks na zyner toezegghinghe, in welcken gherechtigheyt woont.

14

Daerom, ghy gheliefden, dewijl ghy daerop wachtet, zo beulijtighet v dat ghy voor hem onbeuleckt end onanklaeghlick im vrede beuonden werdet:

15

^+* End de langmoedigheyt onzes Heęren achtet vœr [uwe] zaligheyt, als oock onze gheliefde broeder Paulus na der wijßheyt die hem ghegheuen is, v gheschreuen heeft,

+ D

* Rom.2.a.4

16

Als hy oock [byna] in allen brieuen [doet], end spreeckt in den zeluen daervan: in welcken zijn zommighe zwaeruerstandlicke dinghen, welcke van den ongheleęrden end onstanduastighen verdrayt werden als oock de andere Schriften, tot hœrer eyghener verdærfniß.

17

Ghy auer, gheliefden, dewijl ghy dit te voren wetet, zo vœrhoedet v dat ghy niet te ghelijck door de dwaling der schandlicker [menschen] veruoert werdet, end entuallet van uwer eyghener standuastigheyt:

18

Wasset auer in ghenade end kennisse onzes Heęren end Zalighmakers Iesu Christi. Dem zeluen zy prijß oock nu end tot eęwighen tijden. Amen.