Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 398v]

De ander alghemeyne zendbrief Petri des Apostels.

Cap.j.

1

⁺ SYmeon Petrus eęn dienstknecht end Apostel Iesu Christi, den die mit ons eęn euenduerbaer ghelooue verworuen hebben in der rechtuærdighmakinghe onzes Godes end Zalighmakers Iesu Christi:

+ anders. Simon

2

^* Ghenade end vrede vermeęre zick by v in kennisse Godes, end onzes Heęren Iesu:

* Rom.1.a.7 1.Petr.1.a.2

[p. 399r]

3

Ghelijck als zijn Godlicke moghentheyt ons alles, wat ten leuen end Godßaligheyt dient, gheschoncken heeft door de kennisse deß, die ons gheropen heeft door heęrlicheyt end dœghd,

4

Door welcke ons de allergrootste end duerbare toezegghinghen gheschoncken zijn, ^* op dat ghy door de zelue medeghenooten wurdet der Godlicker natuere, zo ghy entuliehet de verdærflicke lust die in der wæreld is.

* Esa.56.b.4 Ioan.1.b.12 Rom.8.c.15 Gal.3.d.16

5

Tot dem zeluen auer wendet alle vlijtigheyt an, end ⁺ bewijzet in uwem ghelooue dœghd, ⁺ end in dœghde wetenheyt,

+ Gr. andienet

+ B

6

In wetenheyt auer matigheyt, end in matigheyt gheduld, end in gheduld Godßaligheyt,

7

End in Godßaligheyt broederlicke vriendlickheyt, in broederlicker vriendlickheyt auer liefde.

8

Want zo zulcks rijcklick by v is, zo zal het v noch vuyl noch vruchtlooß laten zijn in der kennisse onzes Heęren Iesu Christi.

9

Want wem zulcks entbreeckt, ^* die is blind, end tast mit den handen [na dem weghe] end heeft vergheten der reyning zyner vorigher zonden.

* Esa.59.b.10

10

Daerom broeders, beulijtighet deß te meęr uwen beroup end verkiezing vast te maken: want zo ghy dit doet, zullet ghy nymmermeęr struyckelen.

11

⁺Want alzo zal v rijcklick verleęnt werden de ingangk tot dem eęwighen kœningkrijcke onzes Heęren end Zaligh-

+ C

[p. 399v]

makers Iesu Christi.

12

Daerom will ick niet onzorghßaem zijn v altijd zulcks indachtigh te maken, hoewel ghy het wetet, end beuestight zijt in der teghenwordigher waerheyt.

13

Ick achte het nochtans billick zijn, zo lang ick in dezer hutte bin, v door indachtighmaking te verwecken:

14

^* Dewijl ick weet dat myner hutten aflegghen snellkomstigh is: ^‡ als my dan oock onze Heęr Iesus Christus gheopenbaert heeft.

* 2.Tim.4.b.6

‡ Ioan.21.c.18

15

Ick zal auer vlijtigheyt doen dat ghy oock altijd hebbet na mynem wtganghe, zulcks te vermelden.

16

^* Want wy hebben niet mit achteruolgh listkonstigher verdichtselen, v kond ghedaen de moghentheyt end de toekomst onzes Heęren Iesu Christi, ^{+ ‡} mer als die wy anschauwers gheweeßt zijn dier zyner Maiesteyt.

* 1.Cor.1.c.15 end .2.a.1.4 end .4.d.20 1.Thes.1.b.5

+ D

‡ Ioan.1.b.14 Matt.17.a.2 1.Ioan.1.a.1

17

Want hy entfingk van Gode dem Uader eęr end heęrlicheyt, doe zulcke eęn stemm tot hem hærneder gheschickt ward van der hooghwærdigher heęrlicheyt: ^* Deze is die mijn gheliefde Zoon, in welckem ick eęn welgheuallen heb.

* Matt.3.d.17 end .17.a.5 Marc.1.b.11 end .9.a.7 Luc.3.e.22 end .9.e.35 Colos.1.b.13

18

End deze stemm hebben wy ghehoort vam hemel hæraf gheschickt, doe wy mit hem waren op dem heylighen berghe.

19

End wy hebben eęn ghewisser Prophetisch word, end ghy doet wel dat ghy daer achting op hebbet ^‡ als op eęn licht dat dar schijnt in eęner duysterer plaetse, tot dat de dagh anbreke, end de morghensterr opga in uwen herten:

‡ 2.Cor.4.b.6

[p. 400r]

20

^* Zo ghy dit eęrstlick wetet, dat gheęn Prophecy in der Schrift gheschiedt wt eyghener wtlegghinghe.

* 2.Tim.3.d.16

21

Want dar is noyt t’eęnigher tijd eęnighe Prophecy wt menschlickem wille hærvoor ghebracht, mer de heylighe menschen Godes hebben ghesproken, ghedreuen van dem heylighen Gheęst.