Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iiij.

1

DEwijl nu Christus im vleęsche vœr ons gheleden heeft, ^* zo wapenet oock ghy v mit der zeluer ghedachteniß: ^‡ want wie im vleęsche gheleden heeft, die heeft opgheholden van zonde,

* Hebr.12.a.1

‡ Rom.6.b.7

2

^* Dat hy voordan de ouerighe tijd im vleęsche, niet menschen lusten, mer dem wille Godes leue.

* Rom.14.b.7 2.Cor.5.c.15 Gal.2.d.20 Ephe.4.f.24 1.Thes.5.b.10 Hebr.9.d.14

3

^‡ Want het is ons ghenough dat wy de voorganghene tijd des leuens toeghebracht hebben na dem Heydenschen willen, doe wy wandelden in wulpsch-

‡ ephe.4.d.17

[p. 397r]

heyden, lusten, wijnzwelghery, brassery, zuypery, end gruwelicken afgoderyen.

4

Het is den zeldßam, die v lasteren, dat ghy niet mit hen t’zamenloopet in het zelue ⁺ wtstorten der ouerdadigheyt:

+ of. wtghieten

5

Welcke zullen rekenschap gheuen dem, die dar bereyd is te richten leuendighen end dooden. ⁺

+ B

6

^* Want hiertoe is oock ^‡ den dooden gheeuangelizeert, op dat zy ghericht werden wel na den menschen im vleęsche, auer im gheęst na Gode leuen.

* Ioan.5.e.25

‡ 1.Pet.3.d.19

7

^* Het ende auer aller dinghen is naby kommen. ^‡ Daerom zijt nuchter, end waket tot ghebeden.

* Ioan.2.c.18

‡ Luc.21.g.31

8

Uoor allen dinghen auer hebbet onder malckanderen eęn hertgrondlicke liefde: ^* want de liefde zal der zonden vele bedecken.

* Pro.10.b.12

9

^‡ Zijt herberghigh tot malckanderen ^* zonder murren.

‡ Rom.12.c.13 Hebr.13.a.2

* Phil.2.b.14

10

^‡ Dienet malckanderen eęn ieghelick mit der gaue die hy entfanghen heeft, als goede wtdeęlers der menigherley ghenade Godes.

‡ Rom.12.b.6 2.Cor.8.b.11 Pro.3.d.28

11

^+* Zo iemand spreeckt, [die spreke] als ghesprœken Godes. Zo iemand dient, [die diene] als wt kracht die God verleęnt: op dat in allen dinghen God gheprezen werde door Iesum Christum, welckem zy eęr end gheweld van eęwigheyden tot eęwigheyden. Amen.

+ C

* Iere.23.d.22

12

^* Gheliefden, verwonderet v niet om uwer vuerbeprouuing willen (welcke

* Esa.48.b.10 1.Cor.3.c.13 1.Petr.1.b.7

[p. 397v]

v ter verzouckinghe wederuaert,) als wederuoer v wat zeldßaems:

13

Mer verurœghet v dat ghy ghemeynschap hebbet mit dem lijden Christi, op dat ghy v oock in der ontdeckinghe zyner heęrlicheyt mit vrœghden verhœghen moghet.

14

^* Gheluckzaligh zijt ghy wanneęr ghy besmadight werdet om des naems Christi willen: want de Gheęst die [eęn gheest] der heęrlicheyt end Godes is, rust op v. ⁺ By hen werdt hy wel ghelastert, auer by v werdt hy gheprezen.

* Matt.5.a.10 1.Pet.2.d.20 end .3.c.14

+ D

15

Niemand auer onder v lijde als eęn doodslagher, of dief, of mißdader, of als eęn die ⁺ dat eęnes anderen is, onderstaet.

+ Of, in eęn vrémd ampt grijpt.

16

[Lijdt] auer iemand als eęn Christen, die schame zick niet, hy prijze auer meęr God in dezem stucke.

17

Want het is de tijd ^* dat het gherichte anuanghe van dem huyze Godes: Zo het auer eęrstlick an ons [anuangt] ^* wat zal het dan vœr eęn ende zijn mit den, die dem Euangelio Godes onghehoorzaem zijn?

* Iere.25.f.29 Luc.23.d.30

* Luc.10.b.12

18

^* End zo de gherechtighe nauwlick zaligh werdt, waer zal de Godlooze end de zondaer verschijnen?

* Pro.11.d.31

19

Daerom oock die dar lijden na dem wille Godes, die zullen hem hœre zielen beuelen als dem ghetrauwen schepper in goeddadigheyt.