Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

Cap.iij.

[p. 395v]

1

⁺ DEßghelijcken ghy vrauwen, zijt onderdanigh uwen eyghenen mannen: op dat oock die, die gheęn ghehoor gheuen dem worde, door der vrauwen wandel zonder word ghewonnen werden:

+ Gene.3.c.16 1.cor.14.g.34 Ephes.5.e.22 Colos.3.c.18 Tit.2.b.5

2

Wanneęr zy anghezien zullen hebben uwen kuyschen wandel mit vreęzen.

3

^* Welcker ciersel zy niet dat wtwendigh is in haar vlechten, end ommhangk des goldes, of antreckinghe der kleęderen:

* 1.Tim.2.c.9 Tit.2.a.3

4

Mer de verborghen mensch des herten, in der onuerdærflickheyt eęnes zachtmoedighen end stillen gheęstes, welck voor Gode eęn kostlick dingk is.

5

Want alzo cierden zick oock in voortijden de heylighe vrauwen, die hœr hope op God zettden, end hœren eyghenen mannen onderdanigh waren:

6

Ghelijckerwijß Sara Abrahe ghehoorzaem was, ^* end hiet en Heęr: welcker dochters ghy gheworden zijt, zo ghy wel doet, end niet vreęzet voor eęnighem verschricken.

* Genes.18.b.12

7

Deßghelijcken ghy mannen, ^* wonet by hen mit vernuft, end gheuet dem vrauwlicken als dem zwacksten vate eęr, ⁺ als oock medeærfghenamen der ghenaden des leuens: op dat uwe ghebeden niet verhindert werden.

* 1.Cor.7.a.3

+ B

8

Endlick auer, ^* zijt alle ghelijckßinnigh, medelijdigh, broederlieuigh, hertbarmigh, vriendlick,

* Rom.12.c.16 end .15.b.5 1.Cor.1.b.9 Philip.2.a.2 end .3.d.16

9

^‡ Uergheldet niet quaad vœr quaad, of besmading vœr besmading, mer daer-

‡ Leui.19.d.18 Prou.20.c.22 end .24.d.29 Matt.5.f.39 Rom.12.d.17 1.Cor.6.b.7 1.Thes.3.c.15

[p. 396r]

entegghen zeghenet: end wetet dat ghy daertoe beropen zijt, ^* op dat ghy de zeghening beæruet.

* mat.25.e.34

10

^‡ Want wie dar will het leuen liefhebben, end goede daghen zien, ^* die stille zijn tong vam quaden, end zyne lippen, dat zy gheęn bedrogh spreken:

‡ Psal.34.c.13

* Iaco.1.d.26

11

^‡ Hy wende zick vam quaden, end doe goed: hy zoucke vrede, end iaghe hem na

‡ Psal.37.e.27 Esa.1.c.16 3.Ioan.c.11

12

⁺Want de ooghen des Heęren zien op de gherechtighen, end zyne ooren op hœre ghebeden: het anghezicht auer des Heęren ziet op die, die dar quaad doen.

+ C

13

End wie is het die v schaden kann, zo ghy dem goeden nauolghet?

14

^* End of ghy oock lijdet om der gherechtigheyt willen, zo zijt ghy doch gheluckzaligh: ^‡ vreęzet v auer voor hœrer veruærlickheyt niet, noch verslaet v niet.

* Matt.5.a.10 1.Pet 2.d.20 end .4.c.14

‡ Esa.8.c.12 Ierem.1.b.8 4.Esd.15.a.3 Matt.10.c.26

15

^* Heylighet auer God den Heęr in uwen herten: ^‡ end zijt altijd bereyd ter verandwordinghe eęnem ieghelicken die van v rekenschap begært van der hope die in v is,

* Iob.1.d.21

‡ Psal.119.46 Act.4.b.8

16

Mit zachtmoedigheyt end vreęze: end hebbet eęn goede consciency ^* op dat in dem, zo zy van v achterreden als van mißdaderen, te schande kommen die uwen goeden wandel in Christo lasteren.

* Tit.2.b.8 1.Pet.2.b.12 c.15

17

Want het is beter, zo het de wille Godes is, dat ghy van weldoens weghen lijdet, dan van quaaddoens weghen.

18

^+* Nademmael oock Christus eęnmael vœr [onze] zonden gheleden heeft, eęn gherechtighe vœr ongherechtighen:

+ D

* Rom.5.a.6 Coloss 2.b.13 Hebr.9.d.15 g.28

[p. 396v]

op dat hy ons Gode toebrochte, [end is] ghedoodt wel im vleęsche, auer leuendigh ghemaeckt door den Gheęst.

19

In welckem hy oock hén ghegaen, heeft ghepredickt den gheęsten ^* die in bewaernisse waren, ^‡ doe zy voortijden onghehoorzaem waren,

* 1.Petr.4.b.6

‡ Genes.6.b.5

20

^* Doe Godes langmoedigheyt eęnmael ⁺ verwachtde in den daghen Noe doe de Arck toegherust ward, ^‡ in welcker weynigh, dat is, acht zielen beholden wurden door water:

* Gene.6.c.14 Mat.24.c.37 Luc.17.e.26 Rom.2.a.4

+ of. verwacht ward.

‡ Gene.8.d.18

21

^* Welckes teghenbeeld, de Doop ons oock nu beholdt, (niet eęn afdoen des vuylniß am vleęsche, mer eęn verandworden eęner goeder consciency voor Gode,) door de opstanding Iesu Christi,

* Ephe.5 f.25

22

^* Welcker is ter rechter hand Godes, in den hemel gheuaren, end hem zijn onderdaen de Enghels, end de Machten end de Krachten.

* Ephes.1.d.20