Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 392r]

De eerste algemeine zendbrief Petri des Apostels.

Cap.j.

[p. 392v]

1

PEtrus eęn Apostel Iesu Christi ^* den verstroeyden vrémdlinghen in Ponto, Galatia Cappadocia, Asia, end Bithynia,

* Act.8.a.1 Iaco.1.a.1

2

Die dar verkoren zijn na der voorwetenschap Godes des Uaders door de heylighing des Gheęstes, ter ghehoorzaemheyt end ^* besprenghinghe des bloeds Iesu Christi: ^‡ Ghenade end vrede zy v vermenighfuldight.

* Hebr 12.f.24

‡ Rom.1.a.7 1.Cor.1.a.3 Gal.3.a.3 Ephe.1.a.2

3

^* Gheprezen zy God end de Uader onzes Heęren Iesu Christi, ^‡ die ons na zyner grooter barmhertigheyt wedergheboren heeft tot eęner leuendigher hope, ^* door de opstanding Iesu Christi van den dooden,

* 2.Cor.1.a.3 Ephes.1.a.3

‡ Rom.6.d.23

* 1.Cor 15.c.20

4

Tot eęner onuerdærflicker end onbeulecklicker end onuerwælcklicker ærue, ^* die bewaert werdt im hemel vœr ⁺ ons

* Colos.1.a.5 2.Tim.1.c.12

+ Of, v

5

Die ⁺ wy wt Godes kracht door’t ghelooue bewaackt ⁺ werden ter zaligheyt, die dar bereydt is dat zy ontdeckt werde ter lester tijd.

+ of. ghy

+ Of, werdet

6

^* Waerin ghy v verhœghet, ^‡ die ghy nu eęn kleyne tijd, zo het noodigh is, trœrigh zijt in menigherley verzouckinghen: ⁺

* Rom.5.a.3 Iacob.1.a.2

‡ Hebr.10.d.37 1.Pet.5.c.10

+ B

7

^* Op dat de beprouuing uwes ghelooues veel kostlicker dan vergangklick gold, welck nochtans door vuer beprouft werdt, beuonden werde tot prijß end eęre end heęrlicheyt, wanneęr nu Iesus Christus gheopenbaert zal werden:

* Esa.48.b.10 1.Cor.3.c.13 Iaco.1.a.3 1.Pet.4.c.12

8

^* Welcken ghy niet ghezien end

* Ioan.20.g.29

[p. 393r]

nochtans lief hebbet: in welcken ghy oock nu gheloouet hoewel ghy en niet ziet, end verhœghet v mit onwtspreecklicker end heęrlicher vrœghden,

9

Dewijl ghy het ende uwes ghelooues [daervan] behalet, der zielen zaligheyt:

10

Na welcker zaligheyt hebben nærstlick onderuraeght end onderzocht ^* de Propheten, die van der [toekomstigher] ghenade op v ghepropheteert hebben:

* Gen.49.b.10 Da 2.g.44 Aggei.2.b.8 Zach.6.c.12

11

^‡ End hebben onderzocht op welcke of welckerley tijd de Gheęst Christi die in hen was, duydde, welcker te voren betuyghde ^* de lijdens die op Christum, end de heęrlicheyden die daerna [kommen zolden].

‡ Dani 9.f.24

* Psal.22.b.7 Esa.53.a.3 4.5

12

⁺Welcken ontdeckt is dat zy het niet zick zeluen, mer ons andienden, dat v nu verkondight is door die, die v gheeuangelizeert hebben ^* door den heylighen Gheęst vam hemel wtghezonden, ^‡ welck de Enghels ghelust te schauwen.

+ C

* Act.2.a.4

‡ Ephes.3.b.10

13

^* Daerom begordet de lendenen uwes ghemoeds, zijt nuchter, end zettet uwe hope ganschlick op de ghenade die v angheboden werdt, in dem dat v Iesus Christus ontdeckt werdt,

* Luc.12.e.35 Ephe.6.c.14

14

Als ghehoorzame kinders, end verstellet v niet na den lusten, die te voren in uwer onwetenschap waren:

15

Mer na dem die, die v gheropen heeft, heyligh is, ^* zo zijt oock ghy heyligh in allem wandel:

* Luc.1.g.70

16

Want dar is gheschreuen: ^‡ Zijt hey-

‡ leu.11.g 44 end .19.a.2 end .20.b.7

[p. 393v]

ligh, want ick bin heyligh.

17

End nademmael ghy den tot eęnem Uader anroupet ^* die zonder annemen des wterlicken anziens richt na eęnes ieghelicken wercke, zo voeret uwen wandel de tijd uwes wtwonens mit vreęzen.

* Deu.10.d.17 2.Par.19.c.7 Iob.34.b.19 Sap.6.b 8 Eccli.35 c.13 Act.10.e.34 Rom.2.b.11 Gal.2.b.6 Ephes.6.b.9 Colos.3.d.25

18

^‡ End wetet dat ghy niet mit verganglicken dinghen [als mit] ziluer of golde verlost zijt van uwem ijdelen wandel, die v van den Uaderen ouerghegheuen was:

‡ 1.Cor.6.d.20 end .7.d.23

19

^+* Mer mit dem duerbaren bloede Christi, als eęnes onbeschuldelicken end onbeuleckten lamms,

+ D

* Act.20.f.28 Hebr.9 c.12 Apoc.1.a.5

20

^‡ Die dar wel te voren voorzien was voor der wæreld grondlegginge, auer geopenbaert op de leste tijden om uwent willen

‡ Ro.16.d.24 Ephes.1.b.9 end .3.b.9 Colos.1.d.26 2.Tim.1.c.10 Tit.1.a.2

21

Die ghy door hem gheloouet in God, die en opgheweckt heeft van den dooden, ^* end hem heęrlicheyt ghegheuen, op dat uwe ghelooue end hope tot Gode ware.

* Act.2.e.33 Phili.2.b.9

22

Die ghy [nu] uwe zielen ghereinight hebbet in der ghehoorzaemheyt der waerheyt, door den Gheęst, ^‡ ter onbeueynßder broederlicker liefden, hebbet malckanderen vuerighlick lief wt reynem herten:

‡ Rom.12.c.10 Ephes.4.a.3 Hebr.13.a.1 1.Pet.2.c.17

23

^* Als die ghy wedergheboren zijt, niet wt vergangklickem, mer onuergangklickem ^‡ zade, [naemlick] door het leuendighe end eęwighlick blijuende word Godes:

* Iaco.1.c.18

‡ e.Ioan.3.b.9

24

^* Na dem alle vleęsch is als graß, end alle heęrlicheyt eęnes menschen als eęn blomm des grazes: het graß is verdorret, end zijn blomm is afgheuallen:

* Esa.40.b.6 Eccli.14.c.17 1.Cor.7.f.31 Iaco.1 b.10 end .4.d.14 1.Ioan.2.e.17

25

Auer des Heęren word blijft in eę-

[p. 394r]

wigheyt: Dit auer is het word dat onder v gheeuangelizeert is.