Het Nieuvve Testament, dat is, Het nieuwe Verbond onzes Heeren Iesu Christi, Na der Grieckscher waerheyt in Nederlandsche sprake grondlick end trauwlick ouerghezett

[p. 386v]

De alghemeyne zendbrief Iacobi.

Cap.1.

1

IAcobus eęn dienstknecht Godes end des Heęren Iesu Christi, den twælf gheslæchten ^* die in der verstroeynghe zijn, zaligheyt.

* Act.8.a.1 1.Pet.1.a.1

2

^‡ Myne broeders, achtet het vœr allerley vrœghde, wanneęr ghy in menigherley verzouckinghen zullet gheuallen zijn:

‡ Rom.5.a.3 1.Pet.1.a.6

3

^* End wetet dat uwes ghelooues beprouuing gheduldigheyt werckt:

* Rom.5.a.3 1.Pet.1.b.7

4

De gheduldigheyt auer hebbe eęn volkommen werck: op dat ghy volkommen zijt end gansch, end nærghent in verkortt.

5

^* Zo auer uwer iemanden wijßheyt entbreeckt, die begær ze van Gode, die

* Prou.2.a.3

[p. 387r]

dar eęnuoldighlick gheeft eęnem ieghelicken, end verwijtt het niet: end zy zal hem ghegheuen werden.

6

^* Hy begær ze auer im ghelooue, zonder eęnigh twijfelen: Want die dar twijfelt, die is ghelijck als eęn walle der zeę, die vam winde beweeght end gheweldighlick ghedreuen werdt.

* Iere.29.c.12 Matt.7.a.7 end .21.b.22 Marc.11.c.24 Luc.11.b.9 Ioa.14.b.14 end .16.c.24 1.Ioan.3.d.22 end .5.c.14

7

⁺Zulcke mann auer dencke niet dat hy iet van dem Heęre entfanghen zal.

+ B

8

Eęn wanckelmoedigh mann is onghestadigh in allen zynen weghen.

9

Eęn broeder auer die nederigh is, romme zick zyner hoogheyt:

10

End die dar rijck is [romme zick] zyner nederigheyt: want als eęn blomm des graß zal hy voorby gaen.

11

^* Want de zonn is opghegaen mit der hitten, end het graß is verwælckt, end zijn blomm is afgheuallen, end zijn hupsche ghedaente is verdoruen: alzo zal oock de rijcke in zynen ⁺ weghen verdwijnen

* Esa.40.b.6 Eccli.14.c.17 1.Cor.7.f.31 Iaco.4.d.14 1.Pet.1.d.24 1.Ioan.2.c.17

+ of, oueruloedigheyden

12

^‡ Het is eęn gheluckzaligh mann die dar verzoucking verdraeght: want na dem hy beprouft zal zijn, zal hy ^* de kroon des leuens entfanghen, welcke de Heęr toeghezegt heeft den, die hem lief hebben.

‡ Iob.5.c.17

* 2.tim.4.b.8 1.Pet.5.b.4 Apoc.2.c.10

13

Niemand zegghe, wanneęr hy verzocht werdt, dat hy van Gode verzocht werde want God [ghelijck hy] onuerzoucklick is van dem quade [alzo] verzouckt hy oock niemand.

14

Eęn ieghelick auer werdt verzocht, wanneęr hy van zyner eyghener lust afghetoghen end ghelockt werdt.

15

⁺Daerna wanneęr de lust entfanghen

+ C

[p. 387v]

heeft, baert zy zonde: de zonde auer wanneęr zy vollendt is, baert zy dood.

16

Dwalet niet myne gheliefde broeders

17

^* Alle goede gheschenck, end alle volkommene gaue kommt van bouen hæraf van dem Uader der lichten, by welckem gheęn verandering is, of ⁺ schaduwe der ommkeęring.

* 1.Cor.4.b.7 Prou.2.a.6

+ Of, schijn.

18

^* Deze heeft ons gheboren na zynem eyghenen rade door het word der waerheyt, op dat wy waren voorvruchten zyner schepselen.

* 1.Cor.4.d.15 Ga.4.c.19 1.Petr.1.d.23

19

Daerom myne gheliefde broeders, ^* eęn ieghelick mann zy snell te hooren, langßaem te spreken, end langßaem ten toorne:

* Pro.17.d.27 Eccli.5.c.13

20

Want eęnes manns toornn werckt niet wat voor Gode gherechtigh is.

21

^* Daerom zo legghet af alle onreynigheyt end oueruloedighe booßheyt, end nemet an het word mit zachtmoedigheyt dat in v gheplantt is, welck kann uwe zielen zaligh maken.

* Rom.13.d.12 Coloss.3.b.8

22

^+* Zijt auer daders des words, end niet hoorers alleęnlick, daermede ghy v zeluen bedrieghet.

+ D

* Matt.7.c.21 Rom.2.b.13

23

^* Want zo iemand is eęn hoorer des words, end niet eęn dader, deze is ghelijck eęnem manne, die zijn lijflick anghezicht in eęnem spieghel bemærckt.

* Luc.6.d.26

24

Want na dem hy zick zeluen bemærckt heeft, gaet hy daervan, end van stonden an vergheett hy hoe hy ghestalt was.

25

^* Wie auer ingheschauwt zal hebben in de volkommene Wet welcke is der vrijheyt end [daerin] volbleuen zal zijn, deze dewijl hy gheęn verghetigh hoorer is, mer eęn dader des wercks, zal

* Matt.5.c.19

[p. 388r]

gheluckzaligh zijn in zynem doen.

26

^* Zo zick iemand onder v laett duncken, hy zy Godsdienstigh, end holdt zijn tong niet in toome, mer veruoert zijn eyghen hert, zulckes Godsdienstigheyt is ijdel.

* Psal.34.c.14 1.Petr.3.b.10 Iacob.3.b.5

27

Eęn reyne end onbeuleckte Godsdienstbaerheyt voor Gode end dem Uader, is deze, der weęzen end weduwen opzicht hebben in hœrer verdruckinghe, [end] zick zeluen van der wæreld onbeuleckt bewaren.